Artıq tədris ilini yüksək səviyyədə başa vuran Mərkəz kollektivi iyun ayının  14-də geniş tədbirlər planı hazırlayıb. Tədbirlər planına uyğun  olaraq ekskursiyalar, monitorinqlər, gəzintilər  və sərgilər nəzərdə   tutulmuşdur.

Bu gün 28 iyun 2018-ci il tarixdə Mərkəzdə təşkil olunmuş   sərgiyə   Naxçıvan şəhər  4 N-li  və 1 N-li məktəbin şagirdləri cəlb edilmişdir.  Sərginin əsas məqsədi şagirdlərin ekoloji cəhətdən  maariflənməsi Muxtar Respublikamızın   fauna florasını  əks etdirən  və “ Qırmızı kitab”a  daxil edilmiş  növlər haqqında  məlumat toplamaqdır.  Onların mühafizə olunması  üçün şagirdləri  maarifləndirməsi  Mərkəz kollektivinin  ən əsas amalıdır.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə hər il olduğu kimi bu il də təsdiq olunmuş qrafikə əsasən ümumtəhsil məktəblərinin şagirdlərinin, ali və orta ixtisas təhsili müəsisələrinin tələbələrinin, sağlamlıq imkanları məhdud uşaqların, idman federasiyası üzvlərinin və aztəminatlı ailələrin uşaqlarının Ağbulaq İstirahət Mərkəzində təşkil ediləcək "Yay məktəbi" ndə iştirakı nəzərədə tutulmuşdur. Bu tədbirlərin davamı olaraq 23-26 iyun 2018-ci il tarixlərində Naxçıvan şəhərində fəaliyyət göstərən ümumtəhsil məktəblərində tədris ili ərzində sınaq imtahanlarında yüksək nəticə göstərən, Respublika fənn olimpiadalarında qalib gələn, eyni zamanda məktəbin ictimai işlərində fəal iştirak edən 45 nəfər şagirdin Ağbulaq İstirahət Mərkəzinə yola salınması prosesi həyata keçirilmişdir. Tədbirdə Naxçıvan Muxtar Respublikası Təhsil Nazirliyinin və Həmkarlar İttifaqları Şurasının əməkdaşları iştirak etmiş, sagirdlərin asudə vaxtlarının səmərəli təşkili istiqamətində görülən işlərdən bəhs etmiş, onlara yaxşı iştirahətlər  arzulamışlar.

20 iyun 2018-ci il tarixdə Naxçıvan MR Təhsil, Naxçıvan MR Gənclər və İdman  Nazirlikləri, Naxçıvan MR Gənclər Fondu və Naxçıvan MR “Gənclərin İntellektual  İnkişaf Mərkəzi”  İctimai Birliyinin birgə təşkilatçılğı ilə Naxçıvan şəhərinin 2018-ci ildə ölkəmizin Gənclər Paytaxtı seçilməsi və “15 İyun-Milli Qurtuluş Günü” ilə əlaqədar Gənclər Mərkəzində gənc müəllimlər arasında “Xəmsə” Milli İntellektual Oyunu keçirilmişdir. Oyunun keçirilməsində məqsəd gənclərin intellektual səviyyəsini, dünya görüşünü, zehni inkişafını stimullaşdırmaq, onlar arasında bilik və elmin nifuzunu artırmaq və asudə vaxtlarının səmərəli təşkili istiqamətində yeni üsullar tədbiq etməkdir. Oyunda Sədərək rayon komandası I yer, Culfa rayon komandası II yer, Babək rayon komandası isə III yerə layiq görülmüşdür. Tədbirin yekununda  qalib komandalar və üzvləri təşkilatçılar tərəfindən kubok, diplom və fəxri fərmanla təltif olunmuşlar. Yarışda 40 gənc müəllim iştirak etmişdir.