Oktyabrın 23-ü Naxçıvan Dövlət Texniki Kollecində “QARABAĞ AZƏRBAYCANDIR!" mövzusuna həsr olunmuş tədbir keçirilib.

İllərdən bəri öz terrorçuluq prinsipini yerinə yetirən erməni vandalları döyüş meydanında öz qüdrətini göstərə bilməyib gücünü dinc əhalini hədəf tutaraq göstərmişdir. Silahsız dinc sakinləri, hələdəki körpələri vurmaq ermənilərin hər zamankı heç bir vəhşiliyə sığmayan əməlləridir. Və biz buna tariximizin bütün səhifələrində rast gələ bilərik. Hələ 1804-cü ildə öz işğalçılıq niyyətini ortaya qoyan ermənilər  Azərbaycan torpaqlarında yaşamaqla xalqımıza qarşı yönəldilən mənfi xarakter daşıyan əməllər  törətmək ideyalarını tarix boyu reallaşdırmışdılar.

Oktyabrın 20-də Naxçıvan Muxtar Respublikası Təhsil Nazirliyinin İmtahan Mərkəzinin təqdimatı keçirilib.

Təqdimatda Naxçıvan Muxtar Respublikasının Təhsil naziri Rəhman Məmmədov muxtar respublikada təhsilə göstərilən dövlət qayğısından danışaraq bildirib ki, Naxçıvan Muxtar Respublikası Ali Məclisi Sədrinin diqqət və qayğısı ilə muxtar respublikada təhsilin inkişafı istiqamətində mühüm işlər görülmüş, müasir standartlara cavab verən təhsil müəssisələri tikilmiş, həmin müəssisələrin maddi-tədris bazası möhkəmləndirilmiş, infrastrukturu yenilənmişdir. Hazırda da təhsilin inkişafı istiqamətində zəruri işlər davam etdirilir. Bu gün muxtar respublikada təhsilin inkişafı istiqamətində görülən işlərin, eləcə də bu istiqamətdə həyata keçirilən layihələrin nəticəsidir ki, hər tədris ilində muxtar respublika məzunlarının ali məktəblərə qəbul səviyyəsi artır, şagirdlərimiz ölkənin ən nüfuzlu təhsil müəssisələrində təhsil almaq hüququ qazanırlar.