Babək Rayon Təhsil Şöbəsi tərəfindən şagirdlərin yay tətili müddətində asudə vaxtlarının səmərəli təşkili məqsədilə bir sıra müsabiqə və yarışlar keçirilir. Avqustun 5-də Babək şəhər 2 nömrəli tam orta məktəbdə 14-16 yaş arası şagirdlərin velosiped yarışı keçirilib. Maraqlı keçən yarışın nəticələrinə görə Həsən Xudiyev I yerə, Uğur Qazıyev II yerə, Məhəmməd Nuriyev isə III yerə layiq görülübdür. Sonda qaliblər diplomla təltif olunublar.
07 avqust 2020-ci il tarixdə Sədərək Rayon Təhsil Şöbəsinin, Naxçıvan Muxtar Respublikası Şahmat Federasiyasının yerli bölməsinin, Sədərək rayon Şahmat məktəbinin və Təhsil Respublika İdman Mərkəzinin Lənkəran şəhər Uşaq-Gənclər İdman Şahmat Məktəbinin birgə təşkilatçılığı ilə Şahmatçı idmançılar arasında www.lichess.org saytı vasitəsi ilə yoldaşlıq görüşü keçirilib.
Babək və şahbuz Rayon Təhsil Şöbələri tərəfindən müəllimlərin sertifikatlaşdırılmasına aid onlayn müzakirə keçirilib. Müzakirədə sertifikatlaşdırma qaydalarının ümumi müddəaları haqqında müəllimlərə ətraflı məlumat verilib və müəllimləri maraqlandıran suallar cavablandırılıb.
