20 noyabr 2019-cu il tarixdə Sədərək rayon şahmat məktəbinin oyun zalında Naxçıvan Muxtar Respublikası Gənclər və İdman Nazirliyi, Sədərək rayon Təhsil şöbəsinin və Naxçıvan MR Gənclərin İntellektual İnkişaf Mərkəzinin birgə təşkilatçılığı ilə Naxçıvan Muxtar Respublikasının yaradılmasının 95 illik yubileyi ilə əlaqədar yeniyetmələr arasında oxunması zəruri olan kitablar əsasında "Nə? Harada? Nə zaman?" İntellektual Oyunu keçirildi.

Oyunda Sədərək rayon ümumtəhsil məktəblərindən 20 nəfər şagird, 4 komanda halında iştirak edirdi. Birinci yerə Sədərək kənd 1 nömrəli tam orta məktəb, ikinci yerə Sədərək kənd 2 nömrəli tam orta məktəb və 3-cü yerə isə Qaraağac kənd tam orta məktəbi layıq görüldü. Qaliblər diplom və fəxri fərmanlarla təltif olundu.

Bu gün Azərbaycanın orta məktəblərində payız tətili başa çatır.

2019-2020-ci tədris ilinin 5 günlük tətili 16-20 noyabr tarixlərini əhatə edib.

Sabahdan, noyabrın 21-də dərslər başlayacaq.

Qeyd edək ki, tədris ilinin 5 günlük qış tətili 2020-ci ilin yanvarın 27-də başlayacaq və 31-də bitəcək.

Qeyd edək ki, ümumi təhsil müəssisələrində dərslər sentyabrın 15-də başlayıb və iyunun 14-də başa çatacaq. Tədris ilinin birinci yarımili 15 sentyabr - 26 yanvar, ikinci yarımili 1 fevral - 14 iyunu əhatə edir.

İnsan kapitalının inkişafı üçün innovativ təhsil üsulundan istifadə etməklə fəal və interaktiv təlim metodu ilə şagirdlərin bilik və bacarıqlarını, elmi nailiyyətlərini yüksəltmək, eyni zamanda şagirdlərin payız tətilində asudə vaxtlarının səmərəli təşkil edilməsi məqsədilə 19 noyabr 2019-cu il tarixində Heydər Əliyev adına tam orta məktəbin fizika müəllimi Əhmədova Nailə Sahib qızının fizika fənnindən innovativ dərsi keçirilmişdir. Dərs prosesi zamanı 26 nəfər IX və X sinif şagirdlərinin iştirakı ilə 17 mövzuya - “Maqnit sahəsi”, “Elektrik sahəsi”, “Nisbilik nəzəriyyəsinin əsasları”, “Sadə mexanizmlər”, “Qüvvələr”, “Mühərriklər”, “Mexaniki rəqslər”, “Nyuton qanunları”, “Çevrə üzrə hərəkət”, “Qazlarda elektrik cərəyanı”, “Təzyiq”, “ Arximed qüvvəsi”, “Mərkəzəqaçma təcili”, “Elastiki qüvvə”, “Sürtünmə qüvvəsi”, “Ümumdünya cazibə qanunu” və “Nyutonun I qanunu”na aid təcrübələr laboratoriya avadanlıqlarından istifadə etməklə aparılılmışdır.