Ümumtəhsil məktəblərində müəllimlərin peşəkarlıq səviyyəsinin artırılması, təlim texnologiyaları və müasir təlim üsullarının tətbiqi sahəsində bacarıqlarının artırılması məqsədilə 18- noyabr 2019-cu il tarixdə ibtidai sinif müəllimləri üçün “Ana dili” fənnindən “Şagirdlərin oxuyub-anlama bacarıqlarının inkişaf etdirilməsi yolları” mövzusunda ixtisasartırma kursuna başlanılmışdır. Təlim kursu 22 noyabr 2019-cu il tarixdə başa çatacaq.

Naxçıvan Müəllimlər İnstitutunda keçirilən kursda Muxtar Respublika ümumtəhsil məktəblərindən 30 nəfər ibtidai sinif müəllimi iştirak edəcək.

Naxçıvan Muxtar Respublikası Ali Məclisi Sədrinin 11 yanvar 2016-cı il tarixli Sərəncamı ilə təsdiq edilən “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”nın icrası uğurla davam etdirilir.

Dövlət Proqramının icrası istiqamətində növbəti tədbir noyabrın 18-də keçirilmişdir. Sosial qayğıya ehtiyac olan məktəblilər qış geyimi ilə təmin edilmişdir.

Son illərdə muxtar respublika ümumtəhsil məktəblərində oxuyan şagirdlərin bilik və bacarıqlarının üzə çıxarılması istiqamətində müxtəlif tədbirlər keçirilir. Bu tədbirlərdən biri də olimpiadalardır. Muxtar respublika və Respublika fənn olimpiadaları istedadlı şagirdlərin üzə çıxarılmasında mühüm rol oynamışdır.

Şagirdlərin Beynəlxalq səviyyəli olimpiadalarda özlərini sınamaları da diqqətdə saxlanılmışdır. Bu məqsədlə noyabrın 16-da muxtar respublikada ilk dəfə olaraq Beynəlxalq Riyaziyyat Olimpiadası keçirilmişdir. Olimpiadanın keçirilməsində məqsəd istedadlı şagirdlərin üzə çıxarılması və onların potensialının inkişaf etdirilməsidir.