Noyabrın 12-də Naxçıvan Muxtar Respublikası Təhsil Nazirliyində ümumtəhsil məktəblərində vakant vəzifələr üçün keçirilən müsabiqədə müvafiq keçid balını toplayaraq işə qəbul edilən gənc kadrlarla görüş keçirilmişdir. Tədbirdə Naxçıvan Muxtar Respublikasının Təhsil naziri gənclərə göstərilən yüksək dövlət qayğısından danışmış, bildirmişdir ki, bu gün muxtar respublikamızda gənclərə göstərilən yüksək qayğılardan biri də onların işlə təmin olunmasıdır.

12 Noyabr-Azərbaycan Respublikasının Konstitusiya Günüdür. Bu gün Azərbaycan Respublikası Konstitusiyasının qəbul edilməsindən 24 il ötür. 24-cü ildönümü ilə əlaqədar Naxçıvan Muxtar Respublikası Təhsil Nazirliyi tərəfindən noyabrın 12-də muxtar respublikanın ümumtəhsil məktəblərinin IX-XI sinif şagirdləri arasında “Mənim hüquqlarım” mövzusunda inşa yazı müsabiqəsi keçirilib.

“Vətənin Müdafiəsinə Hazıram” poliatlon çoxnövçülüyü üzrə respublika final mərhələsinin qalibi olmuş Babək rayon Payız kənd tam orta məktəbinin komandasının mükafatlandırılması mərasimi keçirilib.

Tədbiri giriş sözü ilə Naxçıvan Muxtar Respublikasının Təhsil naziri Rəhman Məmmədov açaraq qeyd edib ki, muxtar respublikada şagirdlərin asudə vaxtının səmərəli təşkili, yaradıcılıq potensialının üzə çıxarılması və fiziki inkişafı daim diqqət mərkəzində saxlanılır, gənc nəslin sağlam və vətənpərvər ruhda böyüməsinə qayğı ilə yanaşılır.