Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə 21 dekabr 2021-ci il tarixdə Naxçıvan Dövlət Tarix Muzeyində  açıq dərs keçirilib.

Açıq dərsdə Naxçıvan şəhər 6 nömrəli tam orta məktəblin  20 nəfər şagirdi iştirak edib.

Muzeydə şagirdlərə bildirilib ki, “Dünya Azərbaycanlılarının Həmrəyliyi Günü” Azərbaycan millətinin birlik şüarının simvolik günüdür. Bu bayram dünyanın 70-dən çox ölkəsində yaşayan 50 milyondan artıq azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır.

23 dekabr 2021-ci il tarixdə Naxçıvan Şəhər Təhsil Şöbəsinin təşkilatçılığı ilə 12 nömrəli tam orta məktəbdə “İngilis dili gecəsi” adlı intellektual və əyləncəli tədbir keçirilib. Tədbirdə ingilis dili fənninin tədrisi vəziyyəti yoxlanılan 2, 4, 8 və 10 nömrəli tam orta məktəbin şagirdləri iştirak edib.

Tədbirin açılışına  Azərbaycan Respublikasının dövlət himni səslənərək  başlandı. Naxçıvan Şəhər Təhsil Şöbəsinin metodkabinet müdiri Gülxarə Tarverdiyeva çıxış edərək tədbirin əhəmiyyəti və ingilis dilinin öyrənilməsinin vacibliyindən danışıb, şagirdləri bu dili daha dərindən mənimsəməyə çağırıb.

Azərbaycanda və onun Naxçıvan Muxtar Respublikasında şəhid ailələrinə və müharibə iştirakçılarına hərtərəfli qayğı göstərilir. Azərbaycan Respublikasının Prezidenti cənab İlham Əliyev 2021-ci il sentyabrın 23-də “Naxçıvan Muxtar Respublikası ərazisində yaşayan Vətən müharibəsi ilə əlaqədar şəhid ailəsi statusu almış, habelə müharibə ilə əlaqədar əlilliyi müəyyən edilmiş şəxslərin mənzil-məişət şəraitinin yaxşılaşdırılması haqqında” Sərəncam imzalayıb, 1 milyon manat vəsait ayrılıb. Naxçıvan Muxtar Respublikası Ali Məclisi Sədrinin 14 dekabr 2020-ci il tarixli Fərmanına əsasən isə Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu yaradılıb. 2021-ci ildə ölkə Prezidentinin müvafiq Sərəncamı ilə ayrılan və dəstək fondunun vəsaitləri hesabına muxtar respublikada 23 şəhid ailəsi və qazi mənzillə, 18 Vətən müharibəsi iştirakçısı avtomobillə təmin olunub, müvafiq kateqoriyadan olan 23 şəxsin müalicə və müayinəsinə köməklik göstərilib, şəhid ailələri və qazilərdən 17-nin kredit borcu ödənilib, 25-nin isə mənzilləri təmir olunub.