Naxçıvan Muxtar Respublikası Təhsil Nazirliyinin təşkilatçılığı ilə Naxçıvan şəhərində görkəmli ictimai-siyasi xadim, dünya şöhrətli siyasətçi, Azərbaycan xalqının ulu öndərinin adını daşıyan Heydər Əliyev Muzeyində 8 oktyabr 2020-ci il tarixdə Naxçıvan şəhər 1 nömrəli tam orta məktəbin 15 nəfər şagirdinin iştirakı ilə açıq dərs keçirilmişdir.

Açıq dərsin keçirilməsində əsas məqsəd gənc nəsli dahi şəxsiyyət Heydər Əliyevin həyat və fəaliyyəti, əvəzsiz xidmətləri ilə tanış etmək, onlarda vətənə, torpağa məhəbbət ruhunu aşılamaqdan ibarət olub.

Nə gözəl tərbiyə olunmuşuq, nə gözəl Vətən sevmişik, nə gözəl tarix olmuşuq! Biz dünyaya göz açarkən səni ana, ananı sən bilmişik, Vətən! Görən hərkəsəmi belə əziz olur yurdu yuvası, belə doğma olur eli, obası?! Heç inanmıram, Azərbaycan torpağında böyüyən övlad kimi Vətəninə bağlı olan övlad ola.

Naxçıvan Muxtar respublikasının Təhsil Nazirliyinin təşkilatçılığı ilə 6 oktyabr 2020-ci il tarixdə Naxçıvan Texniki Peşə  və Sürücülük Məktəbinin ”BC” kateqorialı xüsusi təyinatlı sürücü qrupunda təhsil alan  müdavimlərin Naxçıvan Döyüş Şöhrəti Muzeyinə ekskursiyası təşkil olunmuşdur. Ekskursiyanın təşkiledilməsində məqsəd Hərbi Səfərbərlik Xidməti tərəfindən göndərilən bu kursun  müdavimlərinə vətənpərvərlik və vətəndaşlıq hisslərini aşılamaq və muzeydə olan hərbi texnikalarla onları tanış etməkdən ibarət idi. Ekskursiyada 18 müdavim iştirak edib.

Tariximizə nəzər salsaq görərik ki, elə bir dövr yoxdur ki, orada xalqımız erməni vəhşiliklərilə, təxribatlarla, dinc əhaliyə qarşı olan qətllərlə qarşılaşmasın. Tarix boyu bu belə olub və davam etməkdədir. Gücü daim dinc əhaliyə, silahsız insanlara çatan ermənilər sentyabr ayının 27-si səhər saatlarında mövqelərimizə atəş açaraq sükutu pozmuşdular, lakin həmişə olduğu kimi düşmən, milli ordumuz tərəfindən cavab atəşilə susdurulmuşdur. Bu neçə illərdir ki, xalqımıza qarşı olan təxribat xarakterli hərəkətlərdir.