Naxçıvan məktəbliləri Azərbaycan Respublikasının Elm və Təhsil Nazirliyinin Təhsil İnstitutu tərəfindən keçirilən “Sabahın alimləri” XII respublika müsabiqəsində iştirak etmək üçün Bakı şəhərinə yola düşüblər. Müsabiqəyə şagirdlər 6 elmi layihə ilə qatılıblar.Qeyd edək ki, Naxçıvan Muxtar Respublikası Təhsil Nazirliyinin və Azərbaycan Milli Elmlər Akademiyası Naxçıvan Bölməsinin birgə həyata keçirdiyi “Sabahın tədqiqatçıları” layihəsinin iştirakçıları “Sabahın alimləri” XII-ci respublika müsabiqəsinə 8 müxtəlif istiqamətlər üzrə 7 layihə təqdim ediblər. Onlardan 6-sı final mərhələsinə vəsiqə qazanıb. Müsabiqə Bakı şəhərində fevralın 13-də başlayıb.
Fevralın 9-da - Naxçıvan Muxtar Respublikasının yaradılmasının 99-cu ildönümündə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli Ordubad rayonunun Xanağa kəndində aparılan kompleks quruculuq işləri ilə tanış olub.
Fevralın 7-də Naxçıvan Muxtar Respublikası Təhsil Nazirliyinin təşkilatçılığı ilə Naxçıvan Muxtar Respublikasının yaradılmasının 99-cu ildönümü münasibətilə Heydər Əliyev Uşaq-Gənclər Yaradıcılıq Mərkəzində “Naxçıvan: dünən və bu gün” mövzusunda rəsm müsabiqəsi keçirilib. Müsabiqədə Heydər Əliyev Uşaq-Gənclər Yaradıcılıq və Texniki Yaradıcılıq Mərkəzinin “Rəsm” dərnəyinin üzvləri iştirak edib.
Naxçıvan Muxtar Respublikasının ümumtəhsil məktəblərində təhsil alan şagirdlərə mikrobit platformasını öyrətmək, kodlaşdırma bacarıqlarını inkişaf etdirmək məqsədilə Naxçıvan Şəhər Kimya-Biologiya Təmayüllü Liseydə məktəblilər arasında “Kodunu yaz-layihəni yarat” muxtar respublika müsabiqəsi keçirilib. İki gün təşkil olunan müsabiqədə şəhər və rayon məktəblərinin VI-VII və VIII-IX sinif şagirdləri və məktəbdənkənar təhsil müəssisələrinin dərnək üzvləri iştirak edib. Muxtar respublika mərhələsində iştirak edən komandalar 1 müəllim və 2 şagird olmaqla 3 nəfərdən ibarət təşkil olunub.
