Şəxsiyyətin formalaşmasında bildiyimiz kimi, üç mühüm amil: irsiyyət, mühit və tərbiyə əsas rol oynayır. Təbii ki, irsiyyət və tərbiyə, eləcə də mühit və tərbiyə amillərinə yanaşı üstünlük verən pedaqoq və psixoloqlar da olmuşdur. Biz burada əsasən məktəbdə şagirdin şəxsiyyət kimi formalaşmasında tərbiyənin rolunu işıqlandırmağa cəhd edəcəyik. Ünsiyyət hər hansı fəaliyyətə nüfuz etdiyi üçün, əxlaqi əlamət isə şəxsiyyətə mənsub olduğundan, o həmişə hər yerdə: təlimdə, əməkdə, idmanda, oyunda ünsiyyəti müşayiət edir. Şagird yoldaşı ilə birlikdə dərslərini hazırlayır, oxuyur, lakin bununla yanaşı, yoldaşına kömək göstərir və onun fəaliyyət motivləri yalnız idraki deyil, həm də əxlaqidir.
Culfa rayonunun Dizə kənd tam orta məktəbinin kitabxanasında böyük filosof şair İmadəddin Nəsiminin anadan olmasının 650 illik yubileyi ilə əlaqədar tədbir keçirilib. Tədbirdə kitabxananın müdiri Dilbər Hüseynova bildirib ki, Azərbaycan Respublikasının Prezidenti cənab İlham Əliyevin Sərəncamı ilə böyük Azərbaycan şairi İmadəddin Nəsiminin 650 illik yubileyinin qeyd olunur və ölkə başçısının digər Sərəncamı ilə 2019-cu ilin ölkəmizdə "Nəsimi ili" elan edilib. Nəsimi Azərbaycan ədəbiyyatı tarixində bədii-fəlsəfi fikrin özülünü qoyub, bədii söz sənətimizi forma və məzmunca zənginləşdirib.
