Naxçıvan Muxtar Respublikası Ali Məclisinin Sədri cənab Vasif Talıbovun 2019-cu il 21 yanvar tarixli Sərəncamı ilə “Naxçıvan Muxtar Respublikasının 95 illik yubileyinə həsr olunmuş Tədbir­lər Planı” təsdiq edilib. Tədbirlər Planına əsasən Heydər Əliyev Uşaq-Gənclər Yaradıcılıq Mərkəzinin təşkilatçılığı ilə “Naxçıvanımızı tanıyaq” mövzusunda rayon ümumtəhsil məktəblərinin şagirdləri arasında bilik yarışı təşkil edilib.

Prezident İlham Əliyev dekabrın 3-də Elbrus İsayevin Naxçıvan Dövlət Universitetinin rektoru təyin edilməsi haqqında  Sərəncam imzalayıb.

NUHÇIXAN-ın məlumatına görə, Sərəncamda deyilir:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Elbrus Saleh oğlu İsayev Naxçıvan Dövlət Universitetinin rektoru təyin edilsin".

Bundan başqa, Prezidentin digər sərəncamı ilə Elbrus Saleh oğlu İsayev Naxçıvan Müəllimlər İnstitutunun rektoru vəzifəsindən azad olunub.

Prezident İlham Əliyev dekabrın 3-də Saleh Məhərrəmovun Naxçıvan Dövlət Universitetinin rektoru vəzifəsindən azad edilməsi haqqında  Sərəncam imzalayıb.

NUHÇIXAN-ın məlumatına görə, Sərəncamda deyilir:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Saleh Heydər oğlu Məhərrəmov Naxçıvan Dövlət Universitetinin rektoru vəzifəsindən azad edilsin".

Naxçıvan şəhər 5 nömrəli tam orta məktəbdə 03 dekabr 2019-cu il tarixdə məktəb rəhbərliyinin və Biologiya laborantının təşkilatçılığı ilə Biologiya fənnindən məktəbin VII sinif şagirdləri arasında bilik yarışı keçirilmişdir. Paralel 5 sinif arasında keçirilən bilik yarışında şagirdlər 5 komandada 5 şagird olmaqla yarışıblar. Bilik yarışının keçirilməsində məqsəd şagirdlər arasında rəqabəti gücləndirmək, istedadlı şagirdləri aşkar etmək, onların istedadlarının inkişaf etdirilməsi işini səmərəli təşkil etməklə təbiət elimlərinə maraq oyatmaqdır.