Sədərək rayon Sədərək  kənd  2 nömrəli tam orta məktəbində Naxçıvan Muxtar Respublikasının 95 illik yubileyinə həsr olunmuş intellektul bilik yarışması keçirilmişdir. Yarışda Rayon Təhsil Şöbəsinin müdiri Malik İsmayılov çıxış ederək vurğulamışdır ki, Naxçıvan Muxtar Respublikası Ali Məclisinin Sədri Cənab Vasif Talıbovun 21 yanvar 2019-cu il tarixli Sərəncamı ilə təsdiq olunmuş “Naxçıvan Muxtar Respublikasının 95 illik yubileyinə həsr olunmuş Tədbirlər Planı”na əsasən muxtar respublikamızın hər yerində olduğu kimi Sədərək rayon  ümumtəhsi məktəblərində də 2019-cu il ərzində müxtəlif tədbirlər keçirilmişdir.

Sədərək rayon Qaraağac kənd tam orta məktəbində 29 noyabr 2019-cu il tarixində "Naxçıvan Muxtar Respublikasının yaranmasının 95 illiyi" ilə əlaqədar olaraq  VIII-XI sinif şagirdləri arasında məktəbdaxili "Şahmat" yarışı keçirilmişdir.

Yarışıda çıxış  edən məktəbin direktoru Ayaz Əliyev  "Naxçıvan Muxtar Respublikasının yaranmasının 95 illiyi" ilə əlaqədar şagirdlərə ətraflı məlumat verərək şagirdlərə uğurlar arzulamışdır.  Maraqlı keçən yarışın  sonunda  I yerə VIII sinif şagirdi Mehdiyev Nurlan Əli oğlu, II yerə XI sinif şagirdi Əliyev İsmayıl Vaqif oğlu və III yerə isə X sinif şagirdi İbrahimli Tərlan Asəf qızı layiq görülmüşlər.

Qaliblər məktəb rəhbərliyi tərəfindən "Diplom" və "Fəxri Fərmnla" mükafatlandırıldı

28 noyabr 2019-cu il tarixdə Naxçıvan Muxtar Respublikası Təhsil Nazirliyinin təşkilatçılığı ilə Naxçıvan Müəllimlər İnstitutunda ümumtəhsil məktəblərinin müəllimləri, İnstitutun professor və müəllim heyətinin iştirakı ilə IX sinif İnformatika dərsliyinin müzakirəsi keçirilmişdir.

Müzakirədə iştirak edən Naxçıvan Muxtar Respublikası təhsil nazirinin müavini Ovni Muradov çıxış edərək qeyd etmişdir ki, aprelin 15-də Naxçıvan Muxtar Respublikası Ali Məclisində "Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə" müşavirə keçirilmişdir. Müşavirədə Ali Məclisin Sədri tərəfindən Təhsil Nazirliyinə ali məktəblərin professor və müəllim heyətləri ilə birlikdə yeni dərslik və dərs vəsaitlərinin müzakirəsini təmin etmək bir vəzifə olaraq tapşırılmışdır.

Noyabrın 28-i Naxçıvan Muxtar Respublikası Təhsil Nazirliyi və Azərbaycan Milli Elmlər Akademiyasının Naxçıvan Bölməsi tərəfindən hazırlanan “Sabahın tədqiqatçıları” layihəsinin təqdimatı keçirilmişdir.

Təqdimatda Təhsil naziri Rəhman Məmmədov təhsilə göstərilən dövlət qayğısından danışaraq qeyd etmişdir ki, Naxçıvan Muxtar Respublikası Ali Məclisi Sədrinin diqqət və qayğısı sayəsində muxtar respublikada təhsil infrastrukturu yenilənmiş, müasir tipli yeni məktəb binaları inşa edilmiş, təhsil müəssisələrinin maddi texniki bazası möhkəmləndirilmiş, təlim-tədris prosesi üçün yüksək tədris şəraiti yaradılmışdır.

Nazir qeyd etmişdir ki, istər ümumtəhsil məktəblərində, isərsə də elm və ali təhsil müəssisələrində yaradılan yüksək tədris şəraitinin və müasir avadanlıqlarla təchiz olunmuş laboratoriyaların yaradılması təhsildə bir sıra layihələrin həyata keçirilməsinə, o cümlədən yeni bir layihənin –“Sabahın tədqiqatçıları” layihəsinin də tətbiqinə geniş imkan yaratmışdır.