Naxçıvan Muxtar Respublikasının Təhsil Nazirliyinin müvafiq əmrinə uyğun olaraq muxtar respublikanın təhsil müəssisələrində idmanın inkişafının təmin edilməsi ilə bağlı tədbirlər planına əsasən Sədərək rayonunda Təhsil şöbəsi, Uşaq gənclər İdman məktəbinin birgə təşkilatçılıqı ilə  ümumtəhsil məktəbliləri arasında mini futbol üzrə yarış keçirilmişdir.

Yarışın sonunda 1-ci yerə Uşaq Gəncər İdman məktəbinin komadası, 2-ci yerə Sədərək kənd 2 nömrəli tam orta məktəbinin komandası və 3-cü yerə isə Sədərək kənd 1 nömrəli tam orta məktəbinin komandası layiq görülmüşlər. Qalib komandalar təşkilatçıların fəxri fərman və diplomları ilə təltif olunmuşlar.

AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə muxtar respublikanın ümumtəhsil məktəblərinin şagirdləri üçün növbəti interaktiv açıq dərs təşkil olunub. Açıq dərs ümumilikdə muxtar respublikanın 200-dən artıq ümumtəhsil məktəbində izlənilib.

Dərs Naxçıvan Muxtar Respublikası Ali Məclisinin Sədri cənab Vasif Talıbovun 18 aprel 2019-cu il tarixli “Ərtoğrol Cavidin 100 illik yubileyinin keçirilməsi haqqında” imzaladığı Sərəncama uyğun olaraq keçirilib.

Heydər Əliyev Muzeyində “Heydər Əliyev və müstəqil Azərbaycan” mövzusunda açıq dərs təşkil edilib.

Naxçıvan şəhərindəki 5 nömrəli tam orta məktəbin şagirdlərinin iştirak etdiyi açıq dərsdə vurğulanıb ki, ümummilli lider Heydər Əliyevin Azərbaycanda ilk dəfə siyasi hakimiyyətə gəlməsi respublikamızın tarixində yeni siyasi mərhələnin başlanğıcını qoyub. Dahi liderin adı Azərbaycan xalqının rəmzinə, keçdiyi ömür yolu isə doğma torpağa məhəbbət və sədaqət meyarına çevrilib.

Bu gün ölkəmizdə həyata keçirilən sosial-iqtisadi islahatlar əhalinin rifahının yüksəlməsinə və rahat yaşayışının təminatına hesablanıb. “Siyasətimizin mərkəzində Azərbaycan vətəndaşı dayanır”, - deyən ölkə Prezidenti cənab İlham Əliyevin rəhbərliyi ilə Azərbaycan və onun Naxçıvan Muxtar Respublikası yeni inkişaf mərhələsinə qədəm qoyub. Quruculuq işlərinin və sosial proqramların miqyasının genişlənməsi dövlət-xalq birliyini daha da möhkəmləndirir. Şərur rayonunun Muğanlı və Alışar kəndlərində yeni sosial obyektlərin istifadəyə verilməsi də bu sahədə görülən işlərin davamıdır.

Oktyabrın 21-də Muğanlı kənd tam orta məktəbinin açılışı olub.

Naxçıvan Muxtar Respublikası Ali Məclisinin Sədri Vasif Talıbov açılışı bildirən lenti kəsib.