Fevralın 17-də Naxçıvan Muxtar Respublikası Təhsil Nazirliyinin təşkilatçılığı ilə V-VIII sinif şagirdləri arasında Nəsrəddin Tusi adına fizika-riyaziyyat fənləri üzrə olimpiadanın rayon turu keçiriləcək.Qeyd edək ki, “Naxçıvan Muxtar Respublikasının 100 illik yubleyi”nə həsr olunan olimpiada məktəb, rayon və muxtar respublika olmaqla 3 turdan ibarət olacaq.
Yanvarın 23-də təşkil olunan olimpiadanın məktəb turunda muxtar respublikanın ümumtəhsil məktəblərindən 5 mindən artıq şagird iştirak etmişdir ki, onlardan 1002-si rayon turuna vəsiqə qazanıb.
Rayon turunda siniflər üzrə ən yüksək nəticə göstərmiş 20 faiz şagird respublika turunda iştirak etmək hüququ qazanacaq.
Olimpiadanın rayon mərhələsinin qalibləri diplom, təltifnamə, muxtar respublika mərhələsinin qalibləri isə Naxçıvan Muxtar Respublikası Təhsil Nazirliyi tərəfindən fəxri fərman və qiymətli hədiyələrlə təltif olunacaq.
Nəsrəddin Tusi adına fizika-riyaziyyat olimpiadasının əsasnaməsi
Fevralın 9-da Naxçıvan Muxtar Respublikası Təhsil Nazirliyi tərəfindən STEAM Təlim-Tədris Mərkəzində vakant müvafiq təlim-tədris heyət vəzifələrinə işə qəbul üzrə müsahibə təşkil olunacaq.
Yanvarın 27-də Naxçıvan Muxtar Respublikası Təhsil Nazirliyinin tabeliyindəki təhsil müəssisələrində vakant olan direktor müavinləri, məktəbdənkənar və sinifdənxaric tərbiyə işi üzrə təşkilatçı vəzifələri üçün ilk dəfə olaraq müsabiqə keçirilmişdir. Müsabiqədə iştirak edən 97 namizəddən 67-si sualların 50 faiz və daha çoxunu düzgün cavablandıraraq müsabiqənin test mərhələsində keçid balını toplamış sayılmış və müsahibə mərhələsinə buraxılmışdır.
Naxçıvan Muxtar Respublikası Təhsil Nazirliyinin tabeliyində fəaliyyət göstərən ümumi təhsil müəssisələrində vakant tədris-köməkçi heyət vəzifələri üzrə işə qəbul müsabiqəsi artıq yekunlaşıb.
