Naxçıvan Muxtar Respublikası Təhsil Nazirliyinin və Dövlət İmtahan Mərkəzinin Naxçıvan Regional Bölməsinin dəstəyi, Dövlət İmtahan Mərkəzinin təşəbbüsü ilə muxtar respublikanın ümumi təhsil müəssisələrində xarici dil fənnini tədris edən müəllimlərlə görüş keçirilib.Tədbiri giriş sözü ilə açan DİM-in Naxçıvan Regional Bölməsinin müdiri Sabir Məmmədov iştirakçıları salamlayaraq görüşün region müəllimləri üçün əhəmiyyətindən danışıb. Daha sonra çıxış edən Mərkəzin Dövlət dili və xarici dillər üzrə şöbəsinin müdiri Könül Hacıyeva görüşün əsas məqsədinin ümumi və tam orta təhsil səviyyələri üzrə xarici dil fənni proqramları və yeni tipli test tapşırığı nümunələrinin pedaqoji heyətə təqdim etmək olduğunu bildirib.
Yanvarın 24-də Naxçıvan Muxtar Respublikası Təhsil Nazirliyinin təşkilatçılığı muxtar respublikanın ümumtəhsil məktəbləri arasında STEAM təhsili üzrə “Yaşıl texnologiyalar” müsabiqəsi keçirilib.
Peşə Təhsili üzrə Dövlət Agentliyi tabeliyində olan, həmçinin Naxçıvan Muxtar Respublikası Təhsil Nazirliyinin tabeliyində olan peşə təhsili müəssisələrinə direktor və direktor müavinlərinin mərkəzləşmiş imtahanla işə qəbulu aparılacaq. Peşə təhsili müəssisələrində direktor və direktor müavini kimi çalışmaq istəyən şəxslər 22 yanvar – 7 fevral tarixləri arasında https://portal.edu.az/ elektron müraciət portalı vasitəsilə qeydiyyatdan keçə bilərlər.
Yanvarın 21-dən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Naxçıvan regional “ASAN xidmət” mərkəzində ilk dəfə olaraq Naxçıvan Muxtar Respublikası Təhsil Nazirliyi tərəfindən 6 adda təhsil xidmətlərinin göstərilməsinə başlanılıb.
Fevralın 1-də ümumtəhsil müəssisələrinin IX-XI sinif şagirdləri arasında V Azərbaycan Astronomiya Olimpiadasının respublika seçim mərhələsi keçiriləcək.
