 Dekabrın 29-da Naxçıvan Muxtar Respublikası Təhsil Nazirliyində 31 Dekabr- Dünya Azərbaycanlılarının Həmrəyliyi Günü və 2024-cü ilin təhsil yekunlarına həsr olunmuş tədbir keçirilib.
Tədbirdə Naxçıvan Muxtar Respublikasının təhsil naziri Elxan Nəcəfov 2024-cü ildə təhsil sahəsində həyata keçirilən məqsədyönlü tədbirlərdən, əldə olunan nailiyyətlərdən danışıb.
Qeyd olunub ki, buraxılış və qəbul imtahanlarında şagirdlərimiz tərəfindən son 5 ilin ən yüksək nəticələri əldə edilib. Eyni zamanda fərqlənmə attestatı ilə məktəbi bitirən məzunlarımızın sayı ötən illə müqayisədə əhəmiyyətli dərəcədə artıb. 327 məzun 500-700 intervalında bal toplayıb ki, buda ötən tədris ili ilə müqayisədə 67 faiz çoxdur.
Ardını oxu...
|
 Naxçıvan Muxtar Respublikası Təhsil Nazirliyinin təşkilatçılığı ilə STEAM Təlim-Tədris Mərkəzindən STEAM tədris edilən muxtar respublikanın ümumtəhsil məktəbərinin şagirdləri üçün “3D CAD texnologiyası: üzrə TinkerCAD proqramı, 3D modelləşdirmə” mövzusunda növbəti onlayn dərs keçirilib.
Mərkəzin 3D Texnologiyalar üzrə təlimatçısı Müxtar Nəzərov tərəfindən keçirilən onlayn dərsdə 3D modelləşdirmənin tətbiqi nümayiş etdirilib, dizayn və prototipləmə potensialı vurğulanıb. Dərs zamanı iştirakçılar proqramın müxtəlif xüsusiyyətlərini və kompleks modellərin yaradılması üsullarını öyrəniblər.
Dərsin təşkilində əsas məqəsd şagirdlərə 3D modelləşdirmə və dizaynın əsaslarını öyrətmək, onları texnologiyanın potensialı ilə tanış etmək və yaradıcı düşüncə bacarıqlarını inkişaf etdirməkdir.
 İqdır Azərbaycan Dil, Tarix ve Mədəniyyət Birliyi Yaşatma və Dəstəkləmə Dərnəyinin (İqdır Azərbaycan Evi) təşkilatçılığı, Türkiyənin Daxili İşlər Nazirliyinin dəstəyi ilə 01-05 dekabr tarixlərində həyata keçirilən layihə çərçivəsində Naxçıvan və İqdırdan olan şagirdlərin Çanaqqalaya səfəri təşkil edilmişdi.
Naxçıvan Muxtar Respublikasının yaradılmasının 100 illiyinə həsr olunan layihə çərçivəsində şagirdlər İqdırlı məktəblilərlə birlikdə Çanaqqala şəhərində bir neçə proqrama qatılıb və sözügedən şəhərdə yerləşən Troia Antik Şəhərini, “Çimenlik” qalasını, şəhidlər xiyabanlarını və digər tarixi yerləri ziyarət ediblər.
Ardını oxu...  Oktyabrın 7-də Naxçıvan Muxtar Respublikası Təhsil Nazirliyində muxtar respublikada ilk dəfə olaraq Elm və Təhsil Nazirliyi və Təhsilin İnkişafı Fondunun təşəbbüsü ilə həyata keçirilən “Maarifçi” tələbə-məzun təcrübə proqramında uğur qazanmış namizədlərlə görüş keçirilib.
Görüşdə Naxçıvan Muxtar Respublikasının təhsil naziri Elxan Nəcəfov uğur qazanan gəncləri təbrik edərək bildirib ki, proqramın məqsədi təhsil sahəsində insan resurslarının formalaşdırılması, praktiki fəaliyyətlə tələbə və məzunların sahəvi bilik, bacarıqlarının artırılması, onların təhsil sahəsində müasir yanaşmaları öyrənmələri, həmçinin təhsil islahatlarının həyata keçirilməsi prosesinə dəstək olmaqdır.
Ardını oxu... 
Tədbir iştirakçıları ilk öncə Ümummilli Lider Heydər Əliyevin Naxçıvan şəhərinin baş meydanında əzəmətlə ucalan abidəsini ziyarət edib, önünə gül dəstələri qoyublar.
Sonra Heydər Əliyev Muzeyi ilə tanışlıq olub. Ziyarət zamanı qonaqlara muzeydə ümummilli liderimizin siyasi fəaliyyətinin Naxçıvan dövrü, zəngin dövlətçilik və ictimai-siyasi fəaliyyəti barədə ətraflı məlumat verilib.
Heydər Əliyev Uşaq-Gənclər Yaradıcılıq Mərkəzində davam edən tədbirin əvvəlində Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.
Tədbirdə müəllim əməyini əvəzsiz qiymətləndirən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin əməkdaşı Tükəzban Quliyeva bu şərəfli yolda səylə çalışan pedaqoqları təbrik edib, onlara peşə fəaliyyətlərində uğurlar arzulayıb.
Azərbaycanda hər bir sahədə müşahidə olunan inkişaf tendensiyasının təhsil sektorunda xüsusilə diqqəti cəlb etdiyini söyləyən Tükəzban Quliyeva "Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı"ı da təhsil siyasətinin, institutsional və insan kapitalının inkişafı baxımdan mühüm yer tutduğunu qeyd edib.
Ardını oxu... |
|
