Xəbərlər

DİM kolleclərə tələbə qəbulu elan edib

05.04.22 15:07 | 05.04.22 15:17 ərzində olan dəyişikliklər

Dövlət İmtahan Mərkəzi (DİM) 2022/2023-cü tədris ili üçün orta ixtisas təhsili müəssisələrinə ümumi (9 illik) orta təhsil bazasında tələbə qəbulu elan edib.

Mərkəzdən verilən məlumata görə, ərizələrin qəbulu aprelin 25-dək internet vasitəsilə aparılacaq.

Abituriyentlər Dövlət İmtahan Mərkəzinin internet saytının ekabinet.dim.gov.az internet səhifəsində "Şəxsi kabinet" yaratdıqdan sonra şəxsi kabinetin istifadəçi adı və parolundan istifadə etməklə DİM-in müvafiq internet səhifəsinə (eservices.dim.gov.az/erizetex/erize) daxil olub, "Abituriyentin elektron ərizəsi" formasını doldurur və ərizəni təsdiq edirlər (etdirirlər).

Ardını oxu...

Naxçıvanda AFFA-nın uşaq futbol liqaları və “Koka-Kola Məktəbli Kuboku”nun mərhələ yarışları keçirilir

05.04.22 11:51

Uşaq və yeniyetmələr arasında futbolun təbliği və kütləviliyi, onların ustalığının yüksəldilməsi, klublarda hazırlanması və yığma komandalara cəlb olunması məqsədilə keçirilən turnirlərə start verilib.Turnirdə “U-14 Liqası”nda ¼ final mərhələsinin qarşılaşmaları və “Koka-Kola Məktəbli Kuboku”nun ilk oyunu reallaşıb.

Ardını oxu...

Aprel ayı muxtar respublikanın ümumtəhsil məktəblərində “Mütaliə aylığı” elan edildi

04.04.22 16:49 | 04.04.22 17:02 ərzində olan dəyişikliklər

Şagirdlərin formalaşmasında, mənəvi aləminin zənginləşməsində, dünyagörüşünün və bilik dairəsinin genişlənməsində, məntiqi təfəkkürünün, idraki bacarıqlarının inkişafında mütaliənin rolu nəzərə alınaraq aprel ayı muxtar respublikanın ümumtəhsil məktəblərində “Mütaliə aylığı” elan edilib. Bu məqsədlə aprelin 4-də Naxçıvan Muxtar Respublikası Təhsil Nazirliyi tərəfindən “Şagirdlərin formalaşdırılmasında mütaliənin rolu və əhəmiyyəti” mövzusunda tədbir keçirilib.
Tədbirdə Naxçıvan Muxtar Respublikasının təhsil naziri Rəhman Məmmədov çıxış edərək təhsilə göstərilən dövlət qayğısından danışmışdır. Bildirilmişdir ki, Naxçıvan Muxtar Respublikası Ali Məclisi Sədrinin diqqət və qayğısı sayəsində təhsil müəssisələrinin infrastrukturu yenilənmiş, şagirdlərin təhsil alması üçün zəruri şərait yaradılmışdır.

Ardını oxu...

Respublika fənn müsabiqələrinin rayon (şəhər) mərhələsi keçirilib

04.04.22 14:33

Aprelin 3-də Naxçıvan Muxtar Respublikası məktəbliləri arasında Respublika fənn müsabiqələrinin rayon (şəhər) mərhələsi keçirilib.
Müsabiqə Naxçıvan şəhərində 17, Şərur rayonunda 1, Babək rayonunda 2, Ordubad rayonunda 1, Culfa rayonunda 2, Kəngərli rayonunda Yurdçu kənd tam orta məktəbi, Şahbuz rayonunda 1, Sədərək rayonunda isə Sədərək kənd 1 nömrəli tam orta məktəblərində keçirilib.

Ardını oxu...

Naxçıvanda soyqırımı qurbanlarının əziz xatirəsinə həsr olunmuş ağacəkmə keçirilib

04.04.22 14:21 | 04.04.22 14:28 ərzində olan dəyişikliklər

1918-ci ilin martında təcavüzkar erməni millətçiləri tərəfindən xalqımıza qarşı soyqırımı və deportasiya həyata keçirilmiş, Bakıda, Naxçıvanda, Qubada, Şamaxıda və digər bölgələrdə minlərlə insan qətlə yetirilmişdir. Azərbaycanlılara qarşı törədilmiş soyqırımlara ilk dəfə hüquqi-siyasi qiymət verən ümummilli liderimiz Heydər Əliyev demişdir: “Qarşımızda duran əsas vəzifələrdən biri xalqımıza qarşı həyata keçirilən soyqırımı haqqında indiki və gələcək nəsillərdə möhkəm milli yaddaş formalaşdırmaq, bu faciələrə bütün dünyada siyasi və hüquqi qiymət verilməsinə nail olmaq, onun ağır nəticələrinin aradan qaldırılmasına və bir daha belə halların təkrar olunmamasına çalışmaqdır. Bunun üçün isə yalnız möhkəm və yenilməz milli birlik nümayiş etdirməliyik”.

Ardını oxu...

Başqa məqalələr...