Naxçıvan Muxtar Respublikası Ekoloji Tərbiyə Mərkəzinin dərnək üzvləri Babək rayonu Xalxal kəndinə ekskursiya ediblər. Ekskursiyanın təşkil edilməsində məqsəd bu ərazilərdə yabanı faunanın qida tələbatını qismən ödəmək, ağaclara quş yuvaları asmaq və təmizlik aksiyası keçirmək olub.

Dərnək üzləri əvvəlcə həmin əraziyə qaba yem, tərəvəz qalıqları, daş duz qoyublar. Sonra isə hazırladıqları quş yuvalarını ağacdan asıblar. Uşaqlar ərazini plastik tullantılardan  təmizləyiblər.

Ümumtəhsil müəssisələrinin ümumi orta (IX sinif) və tam orta (XI sinif) təhsil səviyyələri üzrə buraxılış imtahanlarının vaxtı bəlli olub.

Ümumi orta (IX) təhsil səviyyəsi üzrə buraxılış imtahanlarının ilk mərhələsi martın 1-də,  II mərhələsi isə iyunun  14-də Dövlət İmtahan Mərkəzi tərəfindən təşkil olunacaq.

Tam orta təhsil (XI) səviyyəsi üzrə buraxılış imtahanları isə aprelin 5-də,  keçiriləcək.

Fevralın 4-də Naxçıvan şəhər 3 nömrəli tam orta məktəbdə Naxçıvan Muxtar Respublikası Daxili İşlər Nazirliyi, Naxçıvan Muxtar Respublikası Təhsil Nazirliyi və Naxçıvan Muxtar Respublikası Gənclər və İdman Nazirliyinin birgə təşkilatçılığı ilə yetkinlik yaşına çatmayanlarla profilaktiki işlərə dair tədbirlər planına əsasən tədbir keçirilmişdir. Tədbirdə yetkinlik yaşına çatmayanların milli-mənəvi dəyərlər, vətənpərvər ruhda tərbiyə edilməsi, asudə vaxtlarında idman yarışlarının təşkil edilməsi və oxunması zəruri olan kitabların mütaliəsi üçün maarifləndirici söhbətlər aparılmışdır.

Tədbirdə şagirdləri maraqlandıran suallar təşkilatçılar tərəfindən cavablandırılmışdır.