Naxçıvan Muxtar Respublikası Ekoloji Tərbiyə Mərkəzinin dərnək üzvləri “Təbiəti qoruyaq”  devizi altında aksiya keçiriblər.

Keçirilən aksiyanın məqsədi qışlayan quşların qorunması və rahat yuva tapmaları üçündür. Dərnək üzvləri dərsarası fasilələrdə, eləcə də dərsdən sonra bir araya gələrək yuvalar hazırlayırlar. Onlar hazırladıqları 15 ədəd quş yuvasını yemlə təmin edərək Naxçıvan şəhərindəki istirahət parkında ağaclara bərkidiblər.

Aksiyada 200-ə yaxın dərnək üzvü iştirak etmişdir.

23 yanvar 2020-ci il tarixdə Kəngərli Rayon Təhsil Şöbəsinin təşkilatçılığı ilə şagirdlərin asudə vaxtının səmərəli təşkili, onlarda fəallığı artırmaq, maraqlarını müəyyənləşdirmək məqsədilə Qarabağlar kənd 1 və 2 nömrəli tam orta məktəblərin şagirdlərinin Qarabağlar Türbə Kompleksinə ekskursiyası təşkil olunub. Ekskursiyada 36 şagird iştirak edib.

Məktəblilərə məlumat verilib ki, Naxçıvan Muxtar Respublikası Ali Məclisi Sədrinin “Qarabağlar Türbə Kompleksinin bərpası və tədqiq olunması haqqında” 2016-cı il 4 iyul tarixli Sərəncamına uyğun olaraq Kəngərli rayonunun Qarabağlar kəndindəki türk-islam mədəniyyətinin nadir nümunələrindən olan Qarabağlar Türbə Kompleksi də elmi və tarixi əsaslarla bərpa edilib.

17-19 yanvar 2020-ci il tarixlərdə Bakı İdman Sarayında “Arpaçay Karate Klubu” və Azərbaycan Milli Karate Federasiyasının birgə təşkilatçılığı ilə uşaq, yeniyetmə və gənclər arasında 20 yanvar şəhidlərinin xatirəsinə həsr olunmuş karate üzrə beynəlxalq turnir keçirilmişdir.

Turnirdə 13 ölkədən (Azərbaycan, Türkiyə, Rusiya, ABŞ, Gürcüstan, İran, İsrail, Özbəkistan, Qazaxıstan, Ukrayna, Çexiya, Küveyt, Mərakeş) 900-dən artıq idmançı öz qüvvəsini sınamışlar.