İmtahanlar Bakı, Sumqayıt, Abşeron, Naxçıvan, Gəncə, Şəmkir, Qazax, Tovuz, Şəki, Mingəçevir, Zaqatala, Bərdə, Ağcabədi, Göyçay, Şamaxı, İsmayıllı, Füzuli, Sabirabad, Salyan, Kürdəmir, Şirvan, Quba, Xaçmaz, Lənkəran, Cəlilabad, Masallı şəhərlərində təşkil olunacaq.

Sınaq imtahanına qeydiyyatdan keçmək üçün ekabinet.dim.gov.az keçidində “Şəxsi kabinet” yaradılmalıdır (şəxsi kabineti olmayanlar). “Şəxsi kabinet”in “Hesab” bölməsinə imtahanda iştirak üçün nəzərdə tutulan məbləğ (40 AZN) yüklənilir. Hesaba lazımi miqdarda vəsait əlavə etmək üçün müxtəlif ödəniş üsullarından yararlanmaq olar.

Naxçıvan şəhər 6 nömrəli tam orta məktəbdə kimya fənnindən  “Təkrar və yarımillik yekun” mövzusunda ümumiləşdirici dərs keçirilmişdir.

Şagirdlər tərəfindən 8 təcrübə-natrium metalının qatı sulfat turşusuna təsiri, sulfat turşusunun şəkər tozunu (saxarozanı) kömürləşdirməsi, barium-xloridlə sulfat turşusunun qarşılıqlı təsiri, hidrogen peroksidin katalizatorun (MnO₂) iştirakı ilə parçalanması, xlorid turşusunun alüminium metalı  və mis (II) xlorid məhlulu ilə, natrium metalının su ilə, sodanın  sirkə turşusu  ilə reaksiyaları, manqanın oksidləşmə dərəcəsinin dəyişməsini əks etdirən rəngdəyişmə reaksiyası aparılmışdır. Kimya müəllimi və məktəbin laborantı Qasımova Leyla Nadir qızının nəzarəti altında aparılan təcrübələrdə kimyəvi reaksiyaların getməsi əlamətləri-istiliyin, işığın, səsin yaranması, rəngin dəyişməsi, çöküntünün və qazın əmələ gəlməsi əyani şəkildə izlənilmişdir.

Dərs fəal təlimin mərhələləri əsasında təşkil olunmuşdur.

Yanvar ayının 25-i Naxçıvan Muxtar Respublikası Təhsil Nazirliyinin kollektivi Naxçıvan Biznes Mərkəzində olublar.

Mərkəz haqqında məlumat verən bələdçi bildirib ki, ümumi sahəsi iki min kvadratmetr olan binanın birinci mərtəbəsində muxtar respublikada istehsal olunan yerli məhsulların sərgiləndiyi geniş sərgi, iki yüz nəfərlik konfrans zalı, ikinci mərtəbədə yüz nəfərlik konfrans zalı və iki yüz nəfər iştirakçı üçün sinxron tərcümə dəsti, hər iki zalda təqdimatlar keçirmək üçün elektron lövhələr və sürətli internet vardır.