Xəbərlər

Naxçıvan şəhər 16 nömrəli tam orta məktəbdə kimyadan açıq dərs keçirilmişdir

05.02.20 20:15 | 05.02.20 21:00 ərzində olan dəyişikliklər

Fevralın 5-də Naxçıvan şəhər 16 nömrəli tam orta məktəbin VIIsinif şagirdləri üçün kimya müəllimi Əhmədova Nahidə Yusif qızı laboratoriyada “Kimyəvi reaksiyaların tipləri“ mövzusunda açıq dərs keçmişdir. Dərs zamanı qruplarla və kollektivlə iş təlim formalarından və Venn diaqramı, klaster, əqli hücum iş üsullarından istifadə olunmuşdur. Kimyəvi reaksiyaların mövcud olan 4 tipi də əyani şəkildə təcrübələr vasitəsilə öyrənilmişdir. Parçalanma reaksiyalarına nümunə olaraq, ammonium bixromatın, kalium permanqanatın parçalanması təcrübələri, birləşmə reaksiyalarına uyğun olaraq, alüminiumun yodla reaksiyasından alüminium-yodidin yaranması təcrübəsi yerinə yetirilmişdir.

Ardını oxu...

Naxçıvan şəhər ümumtəhsil məktəb şagirdlərinin iştirakı ilə Dövlət Bayrağı Muzeyinə ekskursiya təşkil olunmuşdur

05.02.20 19:56 | 05.02.20 21:00 ərzində olan dəyişikliklər

Fevralın 5-də Naxçıvan Muxtar Respublikası Təhsil nazirinin 30 yanvar 2020-ci il tarixli əmri ilə təsdiq edilmiş “Tədbirlər planına” uyğun olaraq, təhsil müəssisələrində Naxçıvan Muxtar Respublikasının yaradılmasının 96-cı ildönümünün qeyd edilməsi ilə əlaqədar Naxçıvan şəhər 1, 8 və 16 nömrəli tam orta məktəb şagirdlərinin iştirakı ilə Dövlət Bayrağı Muzeyinə ekskursiya təşkil olunmuşdur. Ekskursiya zamanı şagirdlərə çatdırılmışdır ki, Azərbaycanın ayrılmaz tərkib hissəsi olan Naxçıvan tarix boyu həmişə Azərbaycan dövlətçiliyinin əsas mərkəzlərindən biri olmuşdur.

Ardını oxu...

Yetkinlik yaşına çatmayanlarla profilaktiki işlərə dair tədbir keçirilmişdir

05.02.20 18:31 | 05.02.20 20:59 ərzində olan dəyişikliklər

Fevralın 5-də Sədərək kənd 2 saylı tam orta məktəbdə Sədərək Rayon Polis Şöbəsi, Təhsil Şöbəsi və Gənclər və İdman İdarəsinin birgə təşkilatçılığı ilə yetkinlik yaşına çatmayanların maarifləndirilməsi məqsədi ilə tədbir keçirilib. Tədbirdə Sədərək Rayon Polis Şöbəsinin yetkinlik yaşına çatmayanlarla profilaktiki işin təşkili üzrə inspektoru, polis baş leytenantı Qulu Quliyev, Gənclər və İdman İdarəsinin məsləhətçisi Məhəmməd Fizuli, Uşaq-Gənclər İdman Məktəbinin direktoru Nizami Bağırov və Sədərək kənd 2 saylı tam orta məktəbin müəllimi Həsən Rzayev çıxış edərək diqqətə çatdırıblar ki, bu gün muxtar respublikada yeniyetmə və gənclərin milli ruhda tərbiyəsi, onların hərbi-vətənpərvərlik tərbiyəsinin gücləndirilməsi, sağlam həyat tərzinin təbliği diqqət mərkəzindədir.

Ardını oxu...

Naxçıvan Muxtar Respublikasının 96-ci il dönümü ilə əlaqədar “Naxçıvan dünən və bu gün” mövzusunda rəsm müsabiqəsi

05.02.20 18:23 | 05.02.20 20:58 ərzində olan dəyişikliklər

Culfa Rayon Təhsil Şöbəsinin təşkilatçılığı ilə Naxçıvan Muxtar Respublikasının 96-ci il dönümü ilə əlaqədar rayonun ümumtəhsil məktəbləri arasında “Naxçıvan dünən və bu gün” mövzusunda rəsm müsabiqəsi keçirilmişdir. Müsabiqədə rayonun ümumtəhsil məktəblərindən 20 istedadı ilə seçilən şagird iştirak etmişdir. Tədbirdə Culfa Rayon Təhsil Şöbəsinin aparıcı məsləhətçisi Ramazan Abuzərov çıxış edərək keçirilən tədbirin mahiyyəti və şərtləri haqqında müsabiqə iştirakçılarına məlumat vermişdir.

Ardını oxu...

Sədərək Rayonunda inşa yazı müsabiqəsi keçirilmişdir

05.02.20 18:13 | 05.02.20 20:58 ərzində olan dəyişikliklər

Naxçıvan Muxtar Respublikasının yaradılmasının 96-cı ildönümü ilə bağlı Sədərək Rayon ümumtəhsil məktəblərinin şagirdləri arasında “Ulu yurdum Naxçıvanım” mövzusunda inşa yazı müsabiqəsi keçirilmişdir.

Müsabiqə Rayonun ümumtəhsil məktəblərinin IX-XI sinif şagirdləri arasında keçirilmişdir.

Ardını oxu...

Başqa məqalələr...