17-19 yanvar 2020-ci il tarixlərdə Bakı İdman Sarayında “Arpaçay Karate Klubu” və Azərbaycan Milli Karate Federasiyasının birgə təşkilatçılığı ilə uşaq, yeniyetmə və gənclər arasında 20 yanvar şəhidlərinin xatirəsinə həsr olunmuş karate üzrə beynəlxalq turnir keçirilmişdir.

Turnirdə 13 ölkədən (Azərbaycan, Türkiyə, Rusiya, ABŞ, Gürcüstan, İran, İsrail, Özbəkistan, Qazaxıstan, Ukrayna, Çexiya, Küveyt, Mərakeş) 900-dən artıq idmançı öz qüvvəsini sınamışlar.

Şagirdlərin mənəvi aləminin zənginləşməsində, dünyagörüşünün və bilik dairəsinin genişlənməsində, məntiqi təfəkkürünün, idraki bacarıqlarının inkişafında rolu nəzərə alınaraq ümumtəhsil məktəblərində oxunması zəruri olan kitabların mütaliəsi diqqətdə saxlanılır.

Mütaliənin milli-mənəvi və ümumbəşəri dəyərlərin təşəkkülündə müstəsna rolunu nəzərə alaraq şagirdlərin elmi-kütləvi və bədii ədəbiyyat nümunələrinin oxusuna təşviq edilməsi, onlarda mütaliə vərdişləri və mədəniyyətinin yaradılması istiqamətində davamlı tədbirlər həyata keçirilir. Belə tədbirlərdən biri də Təhsil Nazirliyinin təşkilatçılığı ilə noyabr ayında start verilən “Oxunması zəruri olan kitablar”a dair viktorinalardır.

Realist rəssam Bəhruz Kəngərlinin anadan olmasının 128-ci ildönümü  münasibətilə Naxçıvan Muxtar Respublikası Ekoloji Tərbiyə  Mərkəzinin dərnək rəhbərləri Şeyxova Mətanət Rza qızı, Muxtarova Göyərçin Məhərrəm qızı, Cahangirova İradə Atlıxan qızı, İsayeva Lalə Əli qızı, Məhərrəmova Taliyə Nağı qızı və Cəfərova Arzu Həsən qızı 50-yə yaxın dərnək üzvü  ilə birlikdə 22 yanvar 2020-ci  il tarixdə Muzeydə ekskursiyada oldular.

22 yanvar 2020-ci il tarixdə Şahbuz şəhər 2 nömrəli tam orta məktəbdə məktəblilərin təsviri və dekorativ-tətbiqi sənət müsabiqəsi keçirildi. Müsabiqədə 23 tam orta məktəbin şagirdlərinin rəsm və əl işlərindən ibarət sərgi təşkil edilmişdir. Müsabiqə məktəblilərin maraq və bacarıqlarını, yaraqıcılıq qabilyyətinin aşakarlanması, ümumtəhsil məktəblərinin müvafiq sahələri üzrə sinifdənxaric və məktəbdənkənar fəaliyyətinin qiymətləndirilməsi məqsədi ilə keçirilir.