Tədris müddətində olduğu kimi istirahət, tətil və bayram  günlərində də məktəblilərin asudə vaxtlarının səmərəli və maraqlı keçirilməsi ilə bağlı Heydər Əliyev Uşaq-Gənclər Yaradıcılıq Mərkəzi tərəfindən tədbirlər planı hazırlanmış və bir sıra tədbirlər həyata keçirilmişdir.

Bu tədbirlərdən biri də məktəblilərin asudə vaxtlarının, istirahətlərinin və bayram günlərinin xoş və mənalı keçirmələri üçün mərkəzin qarşısında milli musiqi və rəqs nömrələrindən ibarət əyləncəli və yaddaqalan bayram şənliyi təşkil olunmuşdur.

02 yanvar 2020-ci il tarixdə Kəngərli Rayon Təhsil Şöbəsinin təşkilatçılığı ilə rayon mərkəzindəki Heydər Əliyev Mədəniyyət və İstirahət Parkında Yeni il şənliyi keçirilib. Bayram tədbirində ümumtəhsil məktəblərinin şagirdləri və məktəbdənkənar müəssisələrin dərnək üzvləri iştirak edib.

Tədbirdə rayon Təhsil Şöbəsinin müdiri Emin Məmmədxanlı muxtar respublikada uşaqların cəmiyyətə inteqrasiyası, təhsil almaları, asudə vaxtlarının səmərəli təşkil edilməsinin daim diqqət mərkəzində saxlanıldığı barədə məlumat verib, tədbir iştirakçılarını təbrik edərək Dünya Azərbaycanlılarının Həmrəylik Gününün tarixindən bəhs edib.

Ulu öndər Heydər Əliyev siyasi xəttinə sədaqət muxtar respublika sakinlərinin birlik və həmrəyliyini möhkəmləndirir, 2020-ci ilin ölkəmizdə və onun Naxçıvan Muxtar Respublikasında növbəti inkişaf mərhələsi kimi tarixə yazılacağına əminlik yaradır.

NUHÇIXAN xəbər verir ki, yanvarın 1-də Naxçıvan şəhərində yeni ilin gəlişi münasibətilə bayram şənliyi keçirilib.

Naxçıvan şəhərinin Heydər Əliyev prospektində təşkil olunan bayram şənliyində şən mahnılar səsləndirilmiş, muxtar respublikada fəaliyyət göstərən 26 istehsal və xidmət müəssisəsi, eləcə də ailə təsərrüfat­ları tərəfindən əhaliyə ictimai-iaşə xidməti göstərilib.

2019-cu ildə muxtar respublikada bütün sahələrdə inkişafa nail olunub, ərzaq, enerji və müdafiə təhlükəsizliyinin təmin olunması sahəsində görülən işlər davam etdirilib, makroiqtisadi göstəricilər artıb, yaşayış məntəqələrində geniş quruculuq işləri aparılıb. Yola saldığımız ildə Naxçıvan Muxtar Respublikasının yaranmasının 95 illik yubileyi qeyd olunub, əməkhaqlarının artırılması, yeni iş yerlərinin açılması əhalinin rifahını və məşğulluğunu təmin edib, sabitlik daha da möhkəmlənib. Naxçıvan Muxtar Respublikası 2020-ci ili böyük böyük uğur və nailiyyətlərlə qarşılayır.