30 dekabr 2019- cu il tarixində Sədərək rayon Təhsil şöbəsinin Uşaq Gənclər Şahmat məktəbinin birgə təşkilatçılığı ilə "31 Dekabr Dünya Azərbaycanlılarının Həmrəyliyi günü və Yeni il münasibəti"  ilə əlaqədar olaraq Sədərək rayonunda onlayn üzərindən ümumtəhsil məktəblərindən  Sədərək kənd 1 nömrəli və Sədərək kənd 2 nömrəli  tam orta məktəblərin şahmatçı şagirdləri  arasında Şahmat yarışı təşkil edilmişdir.

“31 dekabr-Dünya Azərbaycanlılarının Həmrəylik Günü” və “Yeni il” bayramı münasibətilə Ordubad Rayon İcra Hakimiyyətinin, Naxçıvan Muxtar Respublikasının Əmək və Əhalinin Sosial Müdafiəsi, Təhsil, Mədəniyyət nazirliklərinin və Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə Ordubad şəhər M.Füzuli adına tam orta İnternat Məktəbində tədbir keçirilmişdir.

Tədbirdə aparıcılar tədbirin əhəmiyyətini vurğulayaraq qeyd etmişlər ki, “Dünya Azərbaycanlılarının Həmrəylik Günü”nü ən yüksək səviyyədə bayram kimi qeyd etmək xalqımızın tarixində əlamətdar bir hadisəyə çevrilmişdir. Bu tarix milli birliyin yaradılmasının başlanğıc nöqtəsi olmuşdur.

Naxçıvan Qarnizonu tam orta məktəbində tədris ili müddətində ənənəvi olaraq hər ayın sonunda sınaq test imtahanlarında, viktorinalarda, intellektual yarışlarda, yazı, şeir, rəsm, idman və digər yarışlarda fərqlənən şagirdlərin mükafatlandırılması tədbiri keçirilir. Bu gün də dekabrın 29-da ay ərzində müxtəlif tədbirlərdə fərqlənən məktəb şagirdlərinin təltif olunması mərasimi keçirildi. Tədbirdə məktəbin direktoru Azərbaycan Respublikasının Əməkdar müəllimi Natiq Əhmədov ilk olaraq tədbir iştirakçılarını qarşıdan gələn “Dünya Azərbaycanlılarının Həmrəyliyi Günü” və təvqim ili olan “Yeni il” bayramları münasibəti ilə təbrik etdi.

29 dekabr 2019-cu il tarixdə Naxçıvan Muxtar Respublikası Şahmat Federasiyasının Kəngərli Rayon Bölməsinin, Kəngərli Rayon Təhsil Şöbəsinin və Uşaq-gənclər şahmat məktəbinin birgə təşkilatçılığı ilə Kəngərli və Şərur rayon şahmatçıları arasında tempo turniri keçirilib. Rayonun Uşaq-gənclər şahmat məktəbində keçirilən tempo turniri başlamazdan əvvəl Uşaq-gənclər şahmat məktəbinin direktoru Əli Hüseynzadə çıxış edərək muxtar respublikada şahmata göstərilən qayğı və uğurla aparılan idman siyasəti haqqında şahmatçılara məlumat verib.