28 dekabr 2019-cu il tarixdə Naxçıvan şəhər 15 nömrəli tam orta məktəbdə Təhsil Şöbəsinin əməkdaşlarının iştirakı ilə “Həmrəy olaq-bir olaq” adlı tədbir keçirilmişdir. Tədbirdə məktəbin direktoru Sevda Cabbarova çıxış edərək qeyd etdi ki, 31 dekbar artıq 30 ildir ki, “Dünya Azərbaycanlılarının Həmrəliyi Günü” kimi qeyd olunur.

Bu bayram ayrı-ayrı ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq prosesində mühüm rol oynayır.

Sədərək Rayon Təhsil Şöbəsinin təşkilatçılığı ilə Sədərək kənd 2 nömrəli tam orta məktəbində IV-VIII və IX-XI siniflərinin sinif müəllimləri ilə Naxçıvan Muxtar Respublikası Təhsil Nazirliyi tərəfindən keçirilən sınaq test imtahan nəticələrinin  müzakirəsi keçirilmişdir. Müzakirə zamanı çıxış edən Sədərək Rayon Təhsil şöbəsinin müdiri Malik İsmayılov çıxış edərək bildirmişdir ki, keçirilən sınaq test imtahanları nəticəsinə əsasən məktəbin IV-VII-VIII-IX-X-XI sinifləri yaxşı nəticə göstərmiş. Amma V və VI siniflər zəif nəticə göstərmişdir. Bununla  əlaqədar olaraq məktəbin V-VI siniflərinin fənn müəllimlərinə xəbardarlıq elan edilmiş və tapşırılmışdır ki, həmin siniflərdə dərslərin tədrisi diqqətdə saxlanılsın, növbəti keçiriləcək test sınaq imtahanında şagirdlərin yüksək nəticə göstərmələri üçün mütəmadi olaraq şagirdlərlə çalışsınlar.

Naxçıvan Muxtar Respublikası Ali Məclisi Sədrinin “Muzeylərlə əlaqələrin daha da gücləndirilməsi haqqında” 2014-cü il 19 dekabr tarixli Sərəncamına əsasən, muzeylərin ziyarət olunması tarixi irsimizin öyrənilməsi baxımından əhəmiyyətli və əlamətdar hadisədir. 28 dekabr 2019-cu il tarixdə Kəngərli Rayon Təhsil Şöbəsinin kollektivi Kəngərli rayonunda fəaliyyət göstərən Tarix-Diyarşünaslıq Muzeyini ziyarət edib. Muzeylə tanışlıq zamanı muzeyin bələdçisi Ülkər Əhmədova məlumat verib ki, Kəngərli rayonu 2004-cü ildə yaradılıb.

Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə ümumtəhsil məktəblərinin şagirdləri ­arasında keçirilən məktəblilərin dram müsabiqəsinin növbəti mərhələsi Təhsil Nazirliyinə birbaşa tabe müəssisələrin şagirdləri və məktəbdənkənar tərbiyə müəssisələrinin dərnək üzvləri arasında ­keçirilib. Qeyd edək ki, müsabiqənin keçirilməsində məqsəd məktəblilərdə nitqin inkişafına, özünəinamın formalaşmasına, onların səhnə əsərlərinin canlı iştirakçısına çevrilməklə mövzunu fəal şəkildə mənimsəmələrinə, ədəbiyyata olan maraqlarının artmasına, eyni zamanda şagirdlərdə yaradıcı təfəkkürün inkişafına şərait yaratmaqdır.