28 dekabr 2019-cu il tarixdə Şahbuz şəhərindəki Mədəniyyət sarayında ümumtəhsil məktəblilərinin dram Müsabiqəsi keçirlidi müsabiqədə 15 məktəbin şagirdləri iştirak etdilər. Müsabiqə Naxçıvan Muxtar Respublikası Təhsil Nazirliyi və Naxçıvan Muxtar Respublikası Mədəniyyət Nazirlyinin hazırladıqları birgə əsasnaməyə uyğun olaraq keçirildi. Müsabiqənin məqsədi “Oxunması zəruri olan kitablar”ın məktəblilər arasında təbliği, məktəblilərin maraq və bacarıqlarını, yaradıcılıq qabiliyyətlərin aşkar etməkdən ibarət idi.

28 dekabr 2019-cu il tarixində Sədərək Rayon Təhsil Şöbəsinin təşkilatçılığı ilə “31 Dekabr Dünya Azərbaycanlılarının Həmrəyliyi və Yeni il bayramı”ilə əlaqədar olaraq   Sədərək kənd 2 nömrəli tam orta məktəbində intellektual bilik yarışması keçirilmişdir. Yarışda Sədərək rayon Təhsil Şöbəsinin müdiri Malik İsmayılov, Təhsil şöbəsinin əməkdaşları və 2 nömrəli məktəbin şagird müəllim kollektivi iştirak etmişdir. Yarış məktbin IX-XI sinifləri arasında Kəhriz, Sərhədçi, Zirvə, NOT-XI-lər və Məzunlar komandalarının arasında  baş tutmuşdur.

Ölkə Prezidenti cənab İlham Əliyevin rəhbərliyi ilə Azərbaycan davamlı inkişaf dövrünü yaşayır. Həyata keçirilən uğurlu sosial-iqtisadi islahatlar və aparılan quruculuq işləri ölkəmizdəki sabitliyi, inkişafı və ən əsası dövlət-xalq birliyini möhkəmləndirir. İnsanların rifahına hesablanmış kompleks islahatlar Heydər Əliyev siyasi xəttinin bəhrəsi kimi xalqımızın həmrəyliyini daha da gücləndirir. Naxçıvan Muxtar Respublikasında da yaşayış məntəqələri müasir görkəmə qovuşub, insanların rahat yaşayışı təmin edilib.

Dekabrın 28-də - Dünya Azərbaycanlılarının Həmrəylik Günü və Yeni il bayramı ərəfəsində Kəngərli rayonunun Böyükdüz kəndində yeni sosial obyektlər istifadəyə verilib.

Dekabrın 27-də Naxçıvan Şahmat Mərkəzində Naxçıvan Muxtar Respublikası Şahmat Federasiyasının 2019-cu ilin yekunları ilə bağlı tədbiri keçirilib. Əvvəlcə rayon şahmat məktəblərinin direktorları 2019-cu ildəki fəaliyyət barədə hesabat veriblər. Naxçıvan Muxtar Respublikası Şahmat Federasiyasının sədr müavini Emin Hacıyev isə federasiya üzrə 2019-cu ildə görülən işlərdən danışıb, yaradılan şəraitə görə Naxçıvan Muxtar Respublikası Ali Məclisinin Sədrinə şahmatçılar adından minnətdarlıq edib.