Naxçıvan şəhər Ə.Ağayev adına 8 nömrəli tam orta məktəbdə “Azərbaycanda kimya elminin inkişafında Yusif Məmmədəliyev dövrü” mövzusunda tədbir-sərgi  keçirilmişdir. Tədbirdə kimya müəllimi Sevinc Səfərova ilk olaraq, Y.Məmmədəliyevin fəaliyyəti haqqında ətraflı məlumat vermişdir. VIII sinif şagirdləri Arif Camalbəyovun Y.Məmmədəliyevin həyatı haqqında, Kamal Qasımovun isə akademikin uğurları haqqında hazırladıqları təqdimatlar izlənilmişdir. Tədbirdə həmçinin akademikin elmi fəaliyyəti və uğurları haqqında məruzələr, görkəmli şəxsiyyətlərin Y.Məmmədəliyev haqqında dedikləri kəlamlar dinlənilmişdir.

17 dekabr 2019-cu il tarixində Sədərək rayon Təhsil şöbəsinin, Uşaq Gənclər  Yaradıcılıq Mərkəzinin birgə təşkilatçılığı ilə Heydərabad qəsəbə tam orta məktəbində “31 dekabr Dünaya Azərbaycanlılarının Həmrəylik günü və Yeni il bayramı”  münasibətilə məktəbin V-XI sinif  şagirdləri arasında  rəsm müsabiqəsi keçirilmişdir. Tədbirdə çıxış edən Sədərək rayon Təhsil şöbəsinin əmkdaşı Arzuman Abdullazadə və Uşaq Gənclər Yaradıcılıq Mərkəzinin direktoru Arif  Həmzəyev çıxış edərək bildirmişlər ki, Dünya Azərbaycanlılarının Həmrəyliyi Günü Azərbaycan millətinin birlik şüarının simvolik günüdür.

Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə ümumtəhsil məktəblərinin sinifdənxaric və məktəbdənkənar fəaliyyətlərinin qiymətləndirilməsi məqsədilə  “Məktəblilərin dram müsabiqəsi”  keçirilir.

İlk müsabiqə 16 dekabr 2019-cu il tarixdə Naxçıvan şəhər ümumtəhsil məktəblərinin V-XI sinif şagirdlərinin iştirakı ilə keçirilmişdir. Müsabiqədə Naxçıvan Şəhər Təhsil Şöbəsinin tabeliyində olan 17 ümumtəhsil məktəbi tərəfindən “Oxunması zəruri olan kitablar”dan əsərlər, Azərbaycan və dünya ədəbiyyatından seçilmiş nümunələr əsasında hazırlanmış parçalar səhnələşdirilmiş və ya kompozisiya şəklində təqdim olunmuşdur.

16 dekabr  2019-cu  il  tarixdə Naxçıvan  Muxtar   Respublikası  Mədəniyyət  Nazirliyi, Naxçıvan  Dövlət  Rəsm  Qalereyası və Şahbuz Rayon Təhsil Şöbəsinin birgə təşkilatçılığı ilə  birlikdə   Şahbuz şəhər  2   nömrəli   tam  orta  məktəbdə   rayonun  ümumtəhsil  məktəblərinin  VI-XI  sinif  şagirdləri  arasında “Mən  bu  yurdun  övladıyam”  adlı rəsm  müsabiqəsi  keçirildi. Müsabiqənin  keçirilməsində  məqsəd  böyüməkdə  olan  nəslə qədim  və müasir  Naxçıvanın daha  dərindən öyrədilməsi, istedadlı  yeniyetmə və gənclərin  aşkar  edilib  üzə çıxarılması və  təsviri   incəsənət  dərslərinin  tədrisinin  yüksəldilməsindən  ibarətdir.