Naxçıvan Muxtar Respublikasının 95 illiyi ilə əlaqədar Heydər Əliyev Uşaq-Gənclər Yaradıcılıq Mərkəzinin və Kəngərli Rayon Təhsil Şöbəsinin birgə təşkilatçılığı ilə 16 dekabr 2019-cu il tarixdə rayon ümumtəhsil məktəblərinin IX-XI şagirdləri arasında “Naxçıvanımızı tanıyaq” adlı bilik yarışının seçim mərhələsi aparılıb. Yarışın keçirilməsində əsas məqsəd Naxçıvan Muxtar Respublikasının tarixinin, mədəniyyətinin, təbiətinin məktəblilərə tanıdılması, məktəblilərə vətənpərvərlik hisslərinin aşılanması, intellektual və yüksək biliyə malik istedadlı şagirdlərin üzə çıxarılması, məktəblilərin asudə vaxtlarının səmərəli təşkilindən ibarətdir.

16 dekabr 2019-cu il tarixdə Qarabağlar kənd 1 nömrəli tam orta məktəbin Riyaziyyat müəllimi Məmmədova Təhminə tərəfindən VI sinifdə nümunəvi dərs keçirilib. Riyaziyyat fənnindən keçirilən dərsin mövzusu “Mənfi və müsbət ədədlər” olub. Dövlət himnimizin səslənməsi ilə başlayan dərsdə mövzunu daha aydın dərk etməyə yardımçı vasitə kimi proyektor vasitəsi ilə video çarxlar və şəkillərdən istifadə edilib. Nümunəvi dərsin keçirilməsində məqsəd müvafiq fənn üzrə şagirdlərin bacarıqlarının daha da yüksəldilməsi, təlim prosesində müasir təlim metodlarının tətbiqi və müəllimlər arasında təcrübə mübadiləsinin aparılmasından ibarətdir.

Ekskursiyada şagirdlərə mərkəzin fəaliyyəti haqqında ətraflı məlumat verilib. Bildirilib ki, 2019-2020-ci tədris ilində mərkəzdə şagirdlərin asudə vaxtlarını səmərəli təşkili, onların yaradıcılıq qabiliyyətlərinin və istedadlarının üzə çıxarılması üçün 12-si yeni yaradılan olmaqla müxtəlif profilli 39 adda dərnək fəaliyyət göstərir.

Uşaq və yeniyetmələrin asudə vaxtlarının mənalı təşkili üçün mərkəzdə nümunəvi tədris şəraiti yaradılıb. Bu ekskursiyanın təşkil olunmasında şagirdllərin asudə vaxtının və tərbiyəsinin düzgün təşkili, onların intellektual inkişafı və istedadlarının üzə çıxarılması, onlar arasında milli mənəvi dəyərlərimizi əks etdirən dekorativ tətbiqi sənət və əlavə peşə sahələrinə maraq oyatmaqdır.

Culfa Rayon Uşaq-Gənclər Şahmat İdman Məktəbində Naxçıvan Muxtar Respublikası Şahmat Federasiyasının Culfa Rayon Bölməsinin, Culfa Rayon Təhsil şöbəsinin və Culfa Rayon Gənclər və İdman idarəsinin birgə təşkilatçılığı ilə "Heydər Əliyev idealarını daima yaşadaq" devizi altında rayon  ümumitəhsil məktəblərinin şagirdləri  arasında şahmat yarışı keçirilmişdir.