Ölkə Prezidenti cənab İlham Əliyevin rəhbərliyi ilə Azərbaycan davamlı inkişaf dövrünü yaşayır. Həyata keçirilən uğurlu sosial-iqtisadi islahatlar və aparılan quruculuq işləri ölkəmizdəki sabitliyi, inkişafı və ən əsası dövlət-xalq birliyini möhkəmləndirir. İnsanların rifahına hesablanmış kompleks islahatlar Heydər Əliyev siyasi xəttinin bəhrəsi kimi xalqımızın həmrəyliyini daha da gücləndirir. Naxçıvan Muxtar Respublikasında da yaşayış məntəqələri müasir görkəmə qovuşub, insanların rahat yaşayışı təmin edilib.

Dekabrın 28-də - Dünya Azərbaycanlılarının Həmrəylik Günü və Yeni il bayramı ərəfəsində Kəngərli rayonunun Böyükdüz kəndində yeni sosial obyektlər istifadəyə verilib.

Dekabrın 27-də Naxçıvan Şahmat Mərkəzində Naxçıvan Muxtar Respublikası Şahmat Federasiyasının 2019-cu ilin yekunları ilə bağlı tədbiri keçirilib. Əvvəlcə rayon şahmat məktəblərinin direktorları 2019-cu ildəki fəaliyyət barədə hesabat veriblər. Naxçıvan Muxtar Respublikası Şahmat Federasiyasının sədr müavini Emin Hacıyev isə federasiya üzrə 2019-cu ildə görülən işlərdən danışıb, yaradılan şəraitə görə Naxçıvan Muxtar Respublikası Ali Məclisinin Sədrinə şahmatçılar adından minnətdarlıq edib.

27 dekabr 2019-cu il tarixdə Şahbuz şəhər 1 nömrəli tam orta məktəbdə "31 Dekabr Dünya Azərbaycanlılarının Həmrəyliyi Günü" və Yeni il bayramı ilə əlaqədar rayonun ümumtəhsil məktəblərinin komandaları arasında bilik yarışı keçirildi. Yarışın keçirilməsi üçün Rayon Təhsil Şöbəsi tərəfindən əsasnamə hazırlanmış və bilik yarışı həmin əsasnaməyə uyğun keçirilmişdir. Yarışın keçirilməsində məqsəd şagirdlərə vahid ideya ətrafında birləşməyi aşılamaqdan və tariximizlə bağlı müəyyən hadisələri öyrənməkdən ibarətdir.

27 dekabr 2019-cu il tarixində  Sədərək rayon Təhsil şöbəsinin təşkilatçılığı  ilə  Sədərək rayon Tarix Diyarşünaslıq  Muzeyində açıq dərs keçirilmişdir. Sədərək kənd 2 nömrəli tam orta məktəbin tarix müəllimi Vüqar Zamanov  və  VII sinif şagirdlərinə  “Tariximiz  keçmişimizdir” mövzusunda açıq dərs tədris etmişdir.

Keçirilən dərslə bağlı  müəllim şagirdlərə bildirmişdir ki, bu gün biz Sədərək rayonunda yerləşən tarix diyarşünaslıq müzeyində açıq dərs tədris edirik və bu bizim üçün əlverişli imkanlar yaradır ki, biz dərsimizi məhs burada yerləşən tarixi eksponadlarla  izah edirik deyə vurğlamışdır.