Azərbaycan Respublikası Prezidentinin Sərəncamına uyğun olaraq Naxçıvan Qarnizonu tam orta məktəbində Cəlil Məmmədquluzadənin 150 illik yubileyi ilə bağlı tədbir keçirilibdir. Tədbirdə Azərbaycan Respublikasının Dövlət Himni səsləndi.

Sonra tədbiri Naxçıvan Qarnizonu tam orta məktəbin direktoru, Azərbaycan Respublikasının Əməkdar müəllimi Natiq Əhmədov yoldaş açdı. Natiq Əhmədov çıxışında böyük yazıçının dərin humanist məzmuna malik dramı və nəsr əsərləri, bədii publisistikasını özündə ehtiva edən irsini xalqa tanıtmaq baxımından olduqca əhəmiyyətli olduğunu qeyd etdi. Mirzə Cəlil dühasının məhsulu olan “Molla Nəsrəddin” jurnalı XX əsrin əvvəllərində ictimai fikrin, bədii düşüncənin formalaşmasında mühüm rol oynayıb.

27 noyabr 2019-cu il  tarixdə Culfa Rayon Uşaq Gənclər Şahmat İdman Məktəbində Naxçıvan Muxtar Respublikasının yaranmasının 95 illik yubileyinə və Yeni Azərbaycan Partiyasının  yaranmasının 27-ci il dönümünə həsr olunmuş Tempo turnir keçirilmişdir.

Turnir Naxçıvan Muxtar Respublikası Şahmat Federasiyasının Culfa Rayon bölməsi, Culfa Rayon Təhsil Şöbəsi, Culfa Rayon Gənclər və İdman İdarəsi və Yeni Azərbaycan Partiyasının Culfa Rayon Təşkilatı ilə birgə keçirilmişdir.

Yarışda rayon ümumitəhsil məktəblərinin şahmat müəllimləri və şahmatçı şagirdlər iştirak etmişlər.

İlk 6 yerin qaliblərinə təşkilatçılar tərəfindən  diplom və pul mükafatı verilmişdir.

İntellektual idman növü kimi şahmatın inkişafına muxtar respublikamızda ciddi diqqət yetirilir. Bu məqsədlə şəhər və rayonlarda şahmat məktəbləri tikilərək istifadəyə verilib, həmin məktəblərin maddi-texniki bazası gücləndirilib. Şahmat dərslərinin tədrisi səviyyəsinin artırılır, Uşaq-Gənclər Şahmat məktəblərinin fəaliyyəti gücləndirilir. “Pillə-Pillə” və “Debütdə buraxılmış səhvlərə aid 1000 oyun” kitabı nəşr olunaraq ümumtəhsil məktəblərinə verilib. Eyni zamanda müasir informasiya-kommunikasiya texnologiyaları ilə təmin olunmuş şahmat məktəblərində Təhsil Nazirliyi Şahmat Federasiyası ilə birlikdə hər ay interaktiv şahmat məşğələləri təşkil edir.

Ümumtəhsil məktəblərində şagirdlərin mənəvi aləminin zənginləşməsində, dünyagörüşünün və bilik dairəsinin genişlənməsində, məntiqi təfəkkürünün, idraki bacarıqlarının inkişafında rolu nəzərə alınaraq muxtar respublikada kitab mütaliəsi diqqətdə saxlanılır.

Naxçıvan Muxtar Respublikası Ali Məclisi Sədrinin 28 avqust 2017-ci il tarixli Sərəncamı ilə tariximiz, mədəniyyətimiz və milli kimliyimiz haqqında dolğun məlumat verən, gənc nəslin həyat yolunun müəyyənləşdirilməsinə və dünyagörüşünün artırılmasına xidmət edən oxunması zəruri olan kitabların siyahısının təsdiq edilməsi bu işin bariz nümunəsidir.