20 noyabr-Ümumdünya Uşaq Günü, Uşaq Hüquqları haqqında Bəyannamənin qəbul olunmasının 60 illiyi və Uşaq Hüquqları haqqında Konvensiyanın qəbul olunmasının 30 illiyi ilə əlaqədar Naxçıvan Muxtar Respublikasının Təhsil, Mədəniyyət nazirlikləri və Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin təşkilatçılığı ilə Heydər Əliyev Uşaq-Gənclər Yaradıcılıq Mərkəzində tədbir keçirilmişdir. Əvvəlcə tədbirin aparıcıları bu günün tarixi haqqında qısaca olaraq məlumat verərək bildirmişlər ki, uşaqların rifahı naminə və onların hüquqlarının müdafiəsini təmin etmək məqsədilə 1959-cu il noyabrın 20-də Birləşmiş Millətlər Təşkilatının Baş Məclisi Uşaq Hüquqları Bəyannaməsini, 1989-cu il noyabr ayının 20-də 54 maddədən ibarət Uşaq Hüquqları Konvensiyasını qəbul etmişdir. Ona görə də noyabrın 20-si Ümumdünya Uşaq Günü kimi tarixə düşmüşdür. Bu gün dünyanın əksər ölkələrində, eləcə də ölkəmizdə xüsusi qeyd edilir.

20 noyabr 2019-cu il tarixdə Sədərək rayon şahmat məktəbinin oyun zalında Naxçıvan Muxtar Respublikası Gənclər və İdman Nazirliyi, Sədərək rayon Təhsil şöbəsinin və Naxçıvan MR Gənclərin İntellektual İnkişaf Mərkəzinin birgə təşkilatçılığı ilə Naxçıvan Muxtar Respublikasının yaradılmasının 95 illik yubileyi ilə əlaqədar yeniyetmələr arasında oxunması zəruri olan kitablar əsasında "Nə? Harada? Nə zaman?" İntellektual Oyunu keçirildi.

Oyunda Sədərək rayon ümumtəhsil məktəblərindən 20 nəfər şagird, 4 komanda halında iştirak edirdi. Birinci yerə Sədərək kənd 1 nömrəli tam orta məktəb, ikinci yerə Sədərək kənd 2 nömrəli tam orta məktəb və 3-cü yerə isə Qaraağac kənd tam orta məktəbi layıq görüldü. Qaliblər diplom və fəxri fərmanlarla təltif olundu.

19 noyabr 2019-cu il tarixdə Sədərək rayon Gənclər və İdman idarəsinin,Təhsil şöbəsinin və Uşaq Gənclər İdman məktəbinin birgə təşkilatçılığı ilə Sədərək rayon 1 saylı tam orta məktəbin idman zalında qızlar arasında "Zərərli vərdişlərə yox deyək, həmişə sağlam olaq " devizi altında voleybol üzrə yoldaşlıq görüşü keçirilmişdir.  Gərgin və maraqlı keçən görüşün yekun hesabına əsasən Sədərək 1 saylı məktəbin komandası, Sədərək 2 saylı tam orta məktəbin komandasına 3-0 hesabı ilə qalib gəlmişdir. Yarışda iştirak eden komanda üzvləri təşkilatçılar tərəfindən mükafatladırılmışlar.

Bu gün Azərbaycanın orta məktəblərində payız tətili başa çatır.

2019-2020-ci tədris ilinin 5 günlük tətili 16-20 noyabr tarixlərini əhatə edib.

Sabahdan, noyabrın 21-də dərslər başlayacaq.

Qeyd edək ki, tədris ilinin 5 günlük qış tətili 2020-ci ilin yanvarın 27-də başlayacaq və 31-də bitəcək.

Qeyd edək ki, ümumi təhsil müəssisələrində dərslər sentyabrın 15-də başlayıb və iyunun 14-də başa çatacaq. Tədris ilinin birinci yarımili 15 sentyabr - 26 yanvar, ikinci yarımili 1 fevral - 14 iyunu əhatə edir.