Şahbuz şəhər 2 nömrəli tam orta məktəbdə dahi Azərbaycan şairi Nizami Gəncəvinin anadan olmasının 880 illik yubleyinə həsr olunmuş tədbir keçirilib. Tədbiri giriş sözu ilə açan məktəbin direktoru Küşvər Quliyeva qeyd edib ki, böyük Azərbaycan şairi Nizami Gəncəvi dünyanın ən böyük sənət adamları ilə uca zirvədə dayanan sənətkarlardan biridir. Nizami Gəncəvi ədəbi irsinin bugün də dərindən öyrənilməsinə və məktəblilər arasında təbliğinə ehtiyac var. Biz bu gün də onun əsərlərindən bəhrələnir və onun əsərlərini sevə-sevə mütaliə edirik. Məktəbin Azərbaycan dili və ədəbiyyatı müəllimi Sitarə Hümbətova Nizami Gəncəvinin həyat və yaradıcılığı haqqında geniş məlumat verib, böyük şairin yazdığı poemaların və qəzəllərin şagirdlər tərəfindən mütaliə edilməsini onlara tövsiyə edib.

Şahbuz Rayon Təhsil Şöbəsi və Gənclər İdman İdarəsinin təşkilatçılığı ilə Kolanı kənd tam orta məktəbində ümümumtəhsil məktəblərinin komandaları arasında “Zəfərin 100 günü” devizi altında voleybol yarışı keçirilib.

Yarış başlamazdan əvvəl çıxış edən Təhsil Şöbəsinin aparıcı məsləhətçisi Hüseyn Qəhrəmanov şagirdlərin Uşaq-Gənclər İdman Məktəbinə cəlb edilməsi, onlarla aparılan işdən və məktəblilərin voleybola olan marağından söz açıb. Rayonun Gənclər və İdman İdarəsinin rəisi Elvin Hüseynli bildirib ki, idmanın kütəviliyinə nail olmaq, böyüməkdə olan nəslin sağlamlığına zəmin yaratmaq üçün gənclərimizdə idmana olan həvəs daha da artırılmalıdır. Bunun üçün məktəblərimizdə müasir idman zalları, kifayət qədər idman qurğuları mövcuddur. Yaradılan bu şəraitdən lazımınca istifadə etməklə rayonumuzda idman növlərinin inkişafına nail ola bilərik deyə yarış idmançılarına uğurlar arzulayıb.

Babək rayon Cəhri qəsəbə 2 nömrəli tam orta məktəbdə “21 fevral - Beynəlxalq Ana Dili Günü”nə həsr olunmuş şeir müsabiqəsi  keçirilmişdir.

Müsabiqədə məktəbin direktoru Rəşad Rüstəmli çıxış edərək qeyd etmişdir ki, hər bir millətin varlığının mühüm amillərindən biri olan ana dili heç vaxt yaddan çıxmayan, unudulmayan qürur mənbəyidir. Tarix boyu başı bəlalar çəkmiş Azərbaycan xalqı zaman-zaman qətliamlara, repressiyalara məruz qalsa da öz ana dilini qoruyub saxlaya bilmiş və tarixin müəyyən dönəmlərində böyük qurur hissi ilə söyləmişdir: