Ölkə prezidenti cənab İlham Əliyev Azərbaycanda 2021-ci ili dünya ədəbiyyatının görkəmli nümayəndəsi Nizami Gəncəvi ili elan etmişdir. Bu münasibətlə Naxçıvan Qızlar Liseyinin kitabxanasında Nizami Gəncəvi yaradıcılığına həsr edilmiş tədbir keçirilmişdir. Tədbirdə liseyin Azərbaycan dili və ədəbiyyatı müəllimləri, yuxarı sinif şagirdləri iştirak etmişlər.
Culfa şəhər 3 nömrəli tam orta məktəbin idman zalında Culfa Rayon Uşaq Gənclər İdman Məktəbi, Gənclər və İdman İdarəsi, Polis Şöbəsi və Naxçıvan Muxtar Respublikası Basketbol Federasiyasının Yerli Rayon Bölməsinin birgə birgə təşkilatçılığı ilə “Zərərli vərdişlərə yox deyək, həmişə sağlam olaq!” devizi altında rayon ümumtəhsil məktəblərinin idman klubları arasında basketbol üzrə yoldaşlıq görüşü keçirilmişdir.
18 fevral 2021- ci il tarixdə Naxçıvan Müəllimlər İnstitutunda “Şagirdlərdə ekoloji dünyagörüşün formalaşdırılması” mövzusunda dəyirmi masa keçirilmişdir. Dəyirmi masada “Ümumi fənlər” kafedrasının müəllimləri, muxtar respublika ümumtəhsil məktəblərinin bir qrup biologiya müəllimi, Naxçıvan Muxtar Respublikası Ekoloji Tərbiyə Mərkəzinin müəllimləri və tələbələr iştirak etmişlər.
Naxçıvan Muxtar Respublikası ərazisində olan sənaye müəssisələrinin və onlarda istehsal olunan məhsulların tanıdılması, istehsal prosesinin şagirdlərə aşılanması məqsədilə Naxçıvan Muxtar Respublikası Turist Diyarşünaslıq Mərkəzinin dərnək rəhbərləri tərəfindən "Texnikaları öyrənək" mövzusunda Naxçıvan şəhəri ərazisində yerləşən "Cahan Sənaye Kompleksi" MMC-yə ekskursiya təşkil olunub. Ekskursiya zamanı dərnək üzvləri plastik boru, profil, aksesuarlar və tikinti materiallarının istehsalı ilə tanış olub. Həmçinin texnoloji avadanlıqlar vasitəsilə məhsulların təzyiqə, istiliyə və zərbəyə davamlılığının, o cümlədən xammalın tərkibinin yoxlanması şagirdlərə göstərilib.
