Azərbaycan ədəbiyyatının görkəmli nümayəndəsi, dahi şair Nizami Gəncəvinin anadan olmasının 880 illiyinin tamam olması və ölkə başçısının Sərəncamı ilə 2021-ci ilin “Nizami Gəncəvi” ili elan edilməsi ilə əlaqədar olaraq Culfa Rayon Təhsil Şöbəsinin təşkilatçılığı ilə Culfa şəhər 2 nömrəli tam orta məktəbdə Nizami Gəncəvinin həyat və yaradıcılığına həsr olunmuş kitab müzakirəsi keçirilib.

Cəlil Məmmədquluzadənin Cəlilkənddə Xatirə Muzeyində Ələkli kənd tam orta məktəbinin şagirdlərinə “Mirzə Cəlilin fəaliyyəti” mövzusundada açıq dərs keçirilib.

Muzeyin baş fond müdiri Gültac Həsənova muzey haqqında şagirdlərə məlumat verərək bildirib ki, Cəlil Məmmədquluzadə Azərbaycan ədəbiyyatının yeni mərhələyə yüksəlməsində müstəsna rol oynamış və bütöv bir ədəbi məktəb formalaşdırmış qüdrətli şəxsiyyətdir. Dahi yazıçı Cəlil Məmmədquluzadənin Cəlilkənddə Xatirə Muzeyi         1987-ci ildə Ədəbiyyat Muzeyinin filialı kimi yaradılmışdır. Naxçıvan Muxtar Respublikası Nazirlər Kabinetinin “Cəlil Məmmədquluzadənin Cəlilkənddə Xatirə Muzeyinin yaradılması haqqında” 2013-cü il 15 fevral tarixli qərarı ilə müstəqil muzey kimi fəaliyyətini davam etdirir. 2015-ci il aprelin 15-də Naxçıvan Muxtar Respublikası Ali Məclisinin Sədri cənab Vasif Talıbovun iştirakı ilə Xatirə muzeyinin açılışı olmuşdur. Fəaliyyətə başladığında günə qədər muzeyin əsas fondunda ədibin və mollanəsrəddinçilərin həyat və yaradıcılığını əks etdirən eksponatlar toplanmışdır.

Fevralın 3-də  Sədərək Rayon Təhsil Şöbəsinin təşkilatçılığı ilə Sədərək rayon Sədərək kənd 1 nömrəli  tam orta məktəbdə Nizami Gəncəvinin “Sirlər xəzinəsi” poemasının müzakirəsi keçirilib.

Müzakirədə məktəbin Azərbaycan dili və Ədəbiyyat müəllimi Samirə Əsgərli şagirdlərə bildirib ki, dahi Azərbaycan şairi və mütəfəkkiri Nizami Gəncəvi hələ sağlığındaykən özü də yaradıcılığının dəyərini yaxşı bilmişdir.