16 fevral 2021-ci il tarixdə Naxçıvan Muxtar Respublikası Təhsil Nazirliyinin və Heydər Əliyev adına Hərbi Liseyin birgə təşkilatçılığı ilə Naxçıvan şəhər 7 nömrəli tam orta məktəbdə Təhsil Nazirliyinə bibaşa tabe olan və şəhər ümumtəhsil məktəblərində fəaliyyət göstərən hərbi rəhbərlər üçün maarifləndirici tədbir keçirilib.

Tədbirin keçirilməsində məqsəd növbəti tədris ilində Naxçıvan şəhər ümumtəhsil məktəblərindən Heydər Əliyev adına Hərbi Liseyə və ali hərbi məktəblərə namizədlərin seçilməsi və sənəd qəbulu ilə əlaqədar Hərbi rəhbərləri maarifləndirməkdən ibarət olub.

16 fevral 2021-ci il tarixdə Naxçıvan Muxtar Respublikası Təhsil, Daxili İşlər və Gənclər və İdman nazirliklərinin birgə tədbirlər planına əsasən Naxçıvan şəhər 6 və 10 nömrəli tam orta məktəblərinin şagirdləri üçün maarifləndirici tədbir keçirilib.

Tədbirin keçirilməsində məqsəd yetkinlik yaşına çatmayan şagirdlərin milli-mənəvi dəyərlər, vətənpərvər ruhda tərbiyə edilməsi, asudə vaxtlarında idman yarışlarının təşkil edilməsi və idmana cəlb edilmələri, onları oxunması zəruri olan kitabların mütailəsi haqqında maarifləndirməkdən ibarət olub.

Naxçıvan şəhər ümumtəhsil məktəblərinin IX-XI siniflərində təhsil alan şagirlərin elmi axtarışlara sövq edilməsi, еlmi pоtеnsiаlının аrtırılmаsı, tədqiqatçılıq bacarıqlarının inkişaf etdirilməsi məqsədilə Naxçıvan Muxtar Respublikası Təhsil Nazirliyi və AMEA Naxçıvan Bölməsinin birgə  təşkilatçılığı ilə “Sabahın tədqiqatçıları”  layihəsi davam etdirilir.

Layihə çərçivəsində iştirakçıların müxtəlif təşəbbüslərinin stimullаşdırılmаsı, asudə vaxtlarının səmərəli keçirilməsinin təşkili, əldə еtdikləri еlmi yеniliklərlə müxtəlif beynəlxalq səviyyəli müsabiqə, konfrans və olimpiadalarda iştirakı təmin edilir.