Fevralın 8-də Naxçıvan Şəhər Təhsil Şöbəsinin kollektivi Naxçıvan Dövlət Xalça Muzeyində ekskursiyada olublar. Muzey haqqında məlumat verən bələdçi Sevin Səbzəliyeva bildirmişdir ki, Naxçıvanın zəngin təbii sərvətləri, ecazkar təbiəti, flora və faunası ta qədim zamanlardan xalçaçılığın təşəkkülünə rəvac verib. Bununla yanaşı muzeydə hal hazırda 4000-nə yaxın eksponant vardır ki, bunlardan 393 ədədi ekspozisiya zallarında nümayiş olunur. Həmçinin bələdçi muzeydə olan xalçalar, xalçaçılıq sənəti, xovsuz və xovlu xalça növləri, habelə məfrəş, xurcun, torba kimi məmulatların ən gözəl nümunələri haqqında geniş məlumat vermişdir.
Sabahın tədqiqatçıları layihəsinin iştirakçısı Rzayev Aydın Coşqun oğlu və elmi rəhbər Akif Bayramov "Çay sularının üzvi çirklənməsinin bioloji analizi" mövzusunda tədqiqat işini aparmaq üçün Naxçıvan çay ərazisində olub və su dibində yaşayan makrobentik orqanizimləri araşdırılıb.
