Mayın 7-də NaxçıvanTexniki Peşə və Sürücülük Məktəbində“Peşə təhsili: reallıqlar və perspektivlər” mövzusunda seminar keçirilib.

Seminarda çıxış edən Naxçıvan Muxtar Respublikasının Təhsil naziri Rəhman Məmmədov muxtar respublikada təhsilin bütün pillələrinə, eləcə də peşə təhsilinin inkişafına göstərilən dövlət qayğısından və yaradılan şəraitdən danışıb. Bildirib ki, Naxçıvan Muxtar Respublikasında sahibkarlıq fəaliyyətinin ildən­iləgenişləndirilməsi, yeni sənaye, tikinti, xidmət və emal sahələrinin yaradılması əmək bazarında peşə təhsilli kadrlara olan tələbatı da artırmışdır. Ona görə də muxtar respublikada peşə təhsilinin inkişafı sahəsində ardıcıl tədbirlər həyata keçirilir, ixtisaslı kadr hazırlığının təmin olunması diqqət mərkəzində saxlanılır.

Dövlət İmtahan Mərkəzi qəbul imtahanlarına hazırlaşan abituriyentlərə dəstək məqsədilə mütəmadi olaraq https://otk.az/ portalı vasitəsilə imtahan modelinə uyğun onlayn sınaq imtahanları keçirir.

DİM tərəfindən portala ali təhsil müəssisələrinə qəbul imtahanının ikinci mərhələsinə (I, II, III və IV ixtisas qrupları üzrə) uyğun yeni №3 2021 sınaq imtahanı (Azərbaycan və rus bölmələri üçün) əlavə olunub. Abituriyentlər sınaq imtahanı verməklə özlərinin imtahana hazırlıq səviyyələrini yoxlaya bilərlər.

Naxçıvan Muxtar Respublikası Təhsil Nazirliyinin təşkilatçılığı ilə mayın 7-də Heydər Əliyev Uşaq-Gənclər Yaradıcılıq Mərkəzində ümumtəhsil məktəblərinin şagirdləri və məktəbdənkənar tərbiyə müəssisələrinin dərnək üzvləri arasında “9 May – Qələbə Günü”nün 76-cı ildönümünə həsr edilmiş “Qəhrəmanlar unudulmur” mövzusunda rəsm müsabiqəsi keçirilib. Müsabiqənin əsas məqsədi məktəblilər arasında vətənpərvərlik hisslərinin təbliği, vətənə sevgi və sədaqət hisslərini aşılamaq, həmçinin müsabiqə vasitəsilə milli qəhrəmanlarımız və şəhidlərimizin keçdiyi şərəfli döyüş yolu haqqında şagirdləri məlumatlandırmaqdır.