Xəbərlər

Fevralın 21-dən şagirdlərin yerdəyişməsi prosesi aktiv olacaq

16.02.23 12:17 | 16.02.23 12:24 ərzində olan dəyişikliklər

Fevralın 21-də saat 11:00-dan etibarən 2022-2023-cü tədris ilinin II yarımili üzrə şagirdlərin yerdəyişməsi prosesi aktiv olacaq.
Qeyd edək ki, həmin tarixdən XI siniflər üzrə şagirdlərin yerdəyişməsi aparılmayacaq.

Naxçıvanlı məktəblilər “Sabahın alimləri” XII respublika müsabiqəsində qalib olublar

15.02.23 17:49

Azərbaycan Respublikasının Elm və Təhsil Nazirliyinin Təhsil İnstitutu tərəfindən keçirilən “Sabahın alimləri” XII respublika müsabiqəsi yekunlaşıb.
Müsabiqənin yekun nəticələrinə əsasən Naxçıvan Qızlar Liseyinin şagirdləri Surə Ələkbərova və Jalə Bayramova riyaziyyat nominasiyası üzrə “Tərəflərinə görə daha özəl üçbucaqlar” layihələri ilə II yerə layiq görülüblər. Şagirdlərin elmi rəhbəri Adil Abdullayev, mütəxəssis alim isə Bəhman Məmmədovdur.

Ardını oxu...

Naxçıvanlı şagirdlər “Sabahın alimləri” XII respublika müsabiqəsində iştirak edirlər

13.02.23 15:12 | 13.02.23 15:18 ərzində olan dəyişikliklər

Naxçıvan məktəbliləri Azərbaycan Respublikasının Elm və Təhsil Nazirliyinin Təhsil İnstitutu tərəfindən keçirilən “Sabahın alimləri” XII respublika müsabiqəsində iştirak etmək üçün Bakı şəhərinə yola düşüblər. Müsabiqəyə şagirdlər 6 elmi layihə ilə qatılıblar.
Qeyd edək ki, Naxçıvan Muxtar Respublikası Təhsil Nazirliyinin və Azərbaycan Milli Elmlər Akademiyası Naxçıvan Bölməsinin birgə həyata keçirdiyi “Sabahın tədqiqatçıları” layihəsinin iştirakçıları “Sabahın alimləri” XII-ci respublika müsabiqəsinə 8 müxtəlif istiqamətlər üzrə 7 layihə təqdim ediblər. Onlardan 6-sı final mərhələsinə vəsiqə qazanıb. Müsabiqə Bakı şəhərində fevralın 13-də başlayıb.

Ardını oxu...

Təhsil naziri Türkiyə Respublikasının Naxçıvandakı Baş Konsulu Asip Kaya ilə görüşüb

10.02.23 17:31 | 10.02.23 18:03 ərzində olan dəyişikliklər

Naxçıvan Muxtar Respublikasının təhsil naziri Rəhman Məmmədov Türkiyə Respublikasının Naxçıvandakı Baş Konsulu Asip Kaya ilə görüşüb, baş verən zəlzələdə vəfat edənlərlə bağlı başsağlığını çatdırıb, zəlzələ nəticəsində vəfat edənlərin xatirəsinə Baş Konsulluqda açılan matəm kitabını imzalayıb.

Ordubad rayonunun Xanağa kəndində yeni məktəb binası istifadəyə verilib

10.02.23 14:36 | 10.02.23 14:48 ərzində olan dəyişikliklər

Fevralın 9-da - Naxçıvan Muxtar Respublikasının yaradılmasının 99-cu ildönümündə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli Ordubad rayonunun Xanağa kəndində aparılan kompleks quruculuq işləri ilə tanış olub.
Yenidənqurmadan sonra istifadəyə verilən Xanağa kənd tam orta məktəbi ilə tanışlıq zamanı məlumat verilib ki, ikimərtəbəli, 288 şagird yerlik məktəbdə 16 sinif otağı, fizika, kimya və biologiya laboratoriyaları, hərbi kabinə, STEAM kabinəsi, kitabxana, idman zalı, şahmat sinfi, kompüter, müəllimlər və digər otaqlar yerləşir. Burada internetə çıxışı olan 21 kompüter və 4 elektron lövhə quraşdırılıb. Binanın həyətində açıq idman qurğuları qoyulub, bufet və qazanxana tikilib, abadlıq və yaşıllaşdırma işləri görülüb.

Başqa məqalələr...