Oktyabrın 18-də – Dövlət Müstəqilliyi Günündə Naxçıvan Muxtar Respublikası Ali Məclisində Azərbaycan Respublikası Prezidentinin fərdi təqaüdünün, Azərbaycan Respublikasının orden və medallarının, Azərbaycan Respublikasının və Naxçıvan Muxtar Respublikasının fəxri adlarının döş nişanlarının və vəsiqələrinin təqdimat mərasimi keçirilib.Naxçıvan Muxtar Respublikası Ali Məclisinin Sədri Vasif Talıbov təltif olunanları Azərbaycan Respublikasının Müstəqilliyi haqqında Dövlət Aktının qəbul olunması Günü münasibətilə təbrik edərək deyib: 1991-ci il oktyabrın 18-də Azərbaycan Respublikasının Müstəqilliyi haqqında dövlət aktı qəbul olunmuşdur.Lakin o dövrün Azərbaycanında ictimai-siyasi və iqtisadi tənəzzül, vətəndaş müharibəsi, qarşıdurma, hakimiyyət uğrunda mübarizələr və bütün bunlardan istifadə edən işğalçı ölkənin torpaqlarımıza təcavüzü hökm sürürdü.

Artıq neçə illərdir ki, muxtar respublikamızda da təhsil məkanında islahatlar ardıcıl və sistemli şəkildə təhsilin müxtəlif pillə və səviyyələri nəzərə alınmaqla həyata keçirilir. Həyata keçirilən təhsil siyasətinə uyğun olaraq onun dünya təhsil sisteminə inteqrasiya olunması zəruri şərt kimi diqqət mərkəzində saxlanılır.  Elə bu məqsədlə də 2008-2009-cu tədris ilindən etibarən ümumi təhsil məktəblərində yeni kurikulumların tətbiqinə başlanmışdır.

Naxçıvan Dövlət Texniki Kollecinə ümumi orta təhsil bazasından qəbul olunan tələbələr də fənn kurikulumları ilə tədris aparılmış siniflərin məzunlarıdır. Bu mənada Kollecdə fənn kurikulumlarının tətbiqi mühüm əhəmiyyət daşıyır. Kollecin müəllimlərinin fənn kurikulumları ilə yaxından tanış olmaları və bu sahədə təcrübə mübadiləsinin həyata keçirilməsi məqsədilə 08 oktyabr 2018-ci il tarixdən 02 noyabr 2018-ci il tarixədək Naxçıvan Dövlət Texniki Kollecində kurikulum seminarları keçirilməyə başlanıb.

Naxçıvan Muxtar Respublikası Təhsil Nazirliyi və Naxçıvan Dövlət Universitetinin təşkilatçılığı ilə universitetin pedaqoji profilli ixtisaslarında təhsil alan və ümumtəhsil məktəblərində təcrübə keçən əyani IV kurs, qiyabi V kurs tələbələrinin təcrübəqabağı konfransı olub.

Konfransda Naxçıvan Muxtar Respublikasının təhsil naziri Rəhman Məmmədov qeyd edib ki, mütəmadi olaraq təhsil müəssisələrində elektron təhsil təşkil edilib, elm, ali və orta ixtisas təhsili müəssisələri ilə ümumtəhsil məktəbləri arasında əlaqələr yaradılıb, elmi dərəcəli işçilər tərəfindən ümumtəhsil məktəblərində nümunəvi dərslər keçirilib. Nəticədə bu addımlar şagirdlərin biliklərinin artırılması, vətənpərvərlik və milli-mənəvi dəyərlərə sadiqlik ruhunda tərbiyə olunmasında mühüm rol oynayıb.

Prezident İlham Əliyev oktyabr ayının 4-də Azərbaycan Respublikasının təhsil işçilərinin “‘Əməkdar müəllim” adının verilməsi və “Tərəqqi” medalı ilə təltif edilməsi haqqında sərəncam imzalayıb.

Təltif olunanlar arasında Naxçıvan Muxtar Respublikasında təhsil sahəsində fərqlənən şəxslər də var.