Naxçıvan Muxtar Respublikası Təhsil Nazirliyinin mətbuat xidmətindən verilən məlumata görə, Respublika fənn olimpiadalarının qalibi olan naxçıvanlı məktəblilərin mükafatlandırılması olub.
Tədbirdə Təhsil naziri Rəhman Məmmədov muxtar respublikada təhsilə göstərilən dövlət qayğısından danışıb.Bildirib ki, təhsilin keyfiyyətinin yüksəldilməsinin diqqətdə saxlanıldığı muxtar respublikada istedadlışagirdlərlə aparılan iş sahəsində də mühüm tədbirlər həyata keçirilir. Naxçıvan Muxtar Respublikası Ali Məclisi Sədrinin iyunun 24-də imzaladığı sərəncamla 3 şagirdin adlarının Naxçıvan Muxtar Respublikası Gənc İstedadlarının “Qızıl kitabı”na yazılması və onların xüsusi aylıq təqaüdə layiq görülməsi istedadlı uşaqlara dövlət qayğısının bariz nümunəsidir.

Naxçıvan Muxtar Respublikası Təhsil Nazirliyində beşinci çağırış Naxçıvan Muxtar Respublikası Ali Məclisinin onuncu sessiyasından irəli gələn vəzifələrin icrası ilə bağlı kollegiya iclasında Təhsil naziri Rəhman Məmmədov bildirib ki, təhsil müəssisələrinin maddi-tədris bazasının möhkəmləndirilməsi sahəsində işlər 2019-cu ildə də davam etdirilib. Ötən müddət ərzində Şərur rayon Kərimbəyli və Ordubad rayon Dəstə kənd tam orta məktəbləri üçün binalar tikilərək və ya əsaslı şəkildə yenidənqurularaq istifadəyə verilib. Hazırda Naxçıvan şəhərində 5 və 12 nömrəli, Şərur rayonunda Muğanlı, Muğancıq Mehrab, Xələc, Yeni Havuş, Babək rayonunda Kültəpə və Gülşənabad, Ordubad rayonunda Vənənd, Kəngərli rayonunda Böyükdüz, Şahbuz rayonunda Türkeş kənd tam orta məktəbləri üçün binaların tikintisi və ya yenidənqurulması davam etdirilir.

Naxçıvan Müəllimlər İnstitutunda Naxçıvan Muxtar Respublikasının 95 illik yubileyinə həsr olunan “Muxtariyyətin bəhrələri: Naxçıvanda elm və təhsil” mövzusunda keçirilən elmi konfransın plenar iclasını institutun rektoru, dosent Elbrus İsayev açıb. Rektor bildirib ki, 2019-cu il yanvarın 21-də Naxçıvan Muxtar Respublikası Ali Məclisi Sədrinin Sərəncamı ilə Naxçıvan Muxtar Respublikasının 95 illik yubileyinin qeyd edilməsi ilə bağlı Tədbirlər Planı təsdiq olunub. Tədbirlər Planının icrası istiqamətində ötən dövr ərzində müxtəlif səpkili tədbirlər keçirilib, aparılan işlər Naxçıvanın muxtariyyət tarixinin daha dərindən araşdırılaraq öyrənilməsi və gənc nəslə aşılanmasına böyük imkanlar açıb.

Muxtar Respublikası Voleybol Federasiyasının birgə təşkilatçılıgı ilə Şərur şəhər 2 nömrəli tam orta məktəbdə Şərur, Sədərək və Kəngərli rayon ümumtəhsil məktəblərində fiziki tərbiyə dərslərini tədris edən müəllimlərə idmanın voleybol növü üzrə seminar keçirilib.
Seminarda muxtar respublikada yaradılan idman mühiti və hərtərəfli şərait barədə məlumat verilib. Sonra Bakıdan dəvət olunmuş voleybol üzrə yeniyetmələrdən ibarət ölkə yığma komandasının məşqçisi Xanlar Ələkbərov “Voleybol oyunu zamanı yeni taktiki-texniki qaydalar” mövzusunda seminar keçib.