Tədbirdə iştirak edən Naxçıvan Muxtar Respublikası Təhsil nazirinin müavini Ovni Muradov “Sabahın müəllimi” layihəsinin məqsədinin muxtar respublikada innovativ təcrübəli müəllim kadrların hazırlanmasına və gənc kadrların işlə təminatına müsbət təsir göstərəcəyini qeyd edib.

İyunun 14-də muxtar respublikanın ümumtəhsil müəssisələrində “Son zəng” tədbirləri keçirilib.
Tədbirlərdə çıxış edənlər muxtar respublikada gənc nəslin vətənpərvərlik ruhunda yetişdirilməsi, onlarda təhsilə, elmə marağın daha da artırılması və geniş dünyagörüşünün formalaşdırılması istiqamətində görülən işlərdən danışıb, məzunları təbrik edib, onlara gələcək təhsillərində və həyatda uğurlar arzulayıblar.

Muxtar respublikanın ümumtəhsil məktəbləri ilə Heydər Əliyev Muzeyi arasında “Qurtuluşdan başlanan yol” mövzusunda interaktiv dərs keçirilib. Dərs muxtar respublikanın 200-dən çox təhsil müəssisəsində izlənilib.
İnteraktiv dərsi AMEA-nın müxbir üzvü, tarix üzrə elmlər doktoru, professor Fəxrəddin Səfərli aparıb. Qeyd edib ki, ötən əsrin 90-cı illərinin əvvəllərində ölkəmiz ağır vəziyyətə düşmüş, müstəqilliyini itirmək təhlükəsi ilə qarşı-qarşıya qalmışdı.

Bu gün muxtar respublikada iqtisadiyyatın inkişafı, tikinti və xidmət sahələrinin genişləndirilməsi, sənaye müəssisələrinin yaradılması, yeni maşın və mexanizmlərin tətbiqi peşə təhsilini günün tələbinə çevirmişdir.
Ümumtəhsil məktəblərinin zəif nəticə göstərən məzunları arasıda peşə təhsilinə marağın artırılması məqsədilə, Naxçıvan Şəhər Peşə Liseyi, Şərur və Ordubad Texniki peşə və sürücülük məktəblərində  "Açıq qapı" günləri təşkil olunmuşdur.