29 yanvar 2021-ci il tarixində Dövlət İmtahan Mərkəzinin Direktorlar Şurasının sədri Məleykə Abbaszadə bu il keçiriləcək imtahanlarla əlaqədar mətbuat konfransı keçirilib.

Konfransda bu il keçiriləcək buraxılış və qəbul imtahanları, imtahanların qrafiki, həmçinin digər tədbirlər haqqında məlumat verilib.

2021-ci ildə keçiriləcək imtahanlar barədə məlumat verən M.Abbaszadə qeyd edib ki, ötən il olduğu kimi bu il də imtahan binaları dezinfeksiya olunacaq, binalarda say həddinə və sosial məsafəyə riayət ediləcək, imtahan iştirakçıları imtahan zallarında hər partada bir nəfər olmaqla əyləşdiriləcək, binalarda dezinfeksiyaedici məhlul, əlcək, tibbi maskadan istifadə ediləcəkdir.

Culfa rayon Dizə kənd tam orta məktəbinin kitabxanasında qədim şəhərimiz Şuşanın Azərbaycan mədəniyyətinin paytaxtı elan olunması ilə bağlı tədbir keçirilib.

Tədbiri məktəbin kitabxanaçısı Dilbər Hüseynova açaraq Şuşa haqqında şagirdlərə geniş məlumat verərək bildirib ki, Azərbaycan Respublikasının Prezidenti İlham Əliyev Qafqazın incisi sayılan Şuşa şəhərini Azərbaycan mədəniyyətinin paytaxtı  elan etmişdir. Qeyd edilib ki, əsası 1752-ci ildə Pənahəli xan tərəfindən qoyulan qədim şəhərimiz Şuşa öz zəngin təbiəti və coğrafi mövqeyi baxımından həmişə diqqət mərkəzində olmuşdur. Şuşa şəhəri 1992-ci il mayın 8-də erməni birləşmələri tərəfindən işğal olunmuş, 28 il əsarətdə qalmış, şəhər tamamilə talan olunmuşdur. Lakin biz güclü ordumuzun şücaəti sayəsində Qarabağımızın incisi sayılan Şuşanı 8 noyabr 2020-ci il tarixdə işğaldan azad etdik.

Culfa Rayon Təhsil Şöbəsində rayon ümumtəhsil məktəblərinin direktorlarının iştirakı ilə şura iclası keçirilmişdir.

İclasda Təhsil Şöbəsinin müdiri Mehdixan Əliyev Təhsil Nazirliyində keçirilən Kollegiya iclasında təhsil müəssisələrinin rəhbərləri qarşısına qoyulan tapşırıqlar və Kollegiya Qərarlarını məktəb rəhbərlərinin diqqətinə çatdırmışdır.

İclasda müzakirə edilən digər məsələ Naxçıvan Muxtar Respublikası Təhsil Nazirliyinin “Təhsil kursları” ilə birgə təşkil etdiyi sınaq imtahanlarının nəticələrinin geniş müzakirəsi olmuşdur. Belə ki, IX-XI siniflər arasında 22 noyabr 2020-ci il tarixdə blok üzrə, 25 dekabr 2020-ci il tarixdə isə buraxılış imtahanı modelinə uyğun sınaq imtahanı keçirilmişdir.