Naxçıvan Muxtar Respublikası Şahmat Federasiyasının Babək Rayon Bölməsi və Təhsil Şöbəsinin birgə təşkilatçılığı ilə Babək rayon ümumtəhsil məktəbləri arasında komanda birinciliyi keçirilmişdir.
Yarışda rayon ümumtəhsil məktəblərindən hər komandada 3 oğlan, 1 qız olmaqla, hər məktəbdən 4 şahmatçı iştirak etmişdir. Yarış 4 yaş qrupunda “Dairəvi” sistem üzrə keçirilmişdir. Hər bir iştirakçıya oyunun sonunadək 30 dəqiqə vaxt verilmişdir.
Şahbuz Rayon Uşaq-Gənclər Şahmat Məktəbində rayon ümumtəhsil məktəblərində şahmat fənnini tədris edən müəllimlərin seminarı keçirilib. Seminarın işində Şahbuz Rayon Təhsil Şöbəsinin və Rayon Gənclər və İdman İdarəsinin nümayəndələri iştirak ediblər.
Şahbuz Rayon Uşaq Gənclər Şahmat Məktəbində “2 fevral - Gənclər Günü” münasibətilə Şahbuz Rayon Təhsil Şöbəsi, Gənclər və İdman İdarəsi və Şahmat Federasiyasının Şahbuz Rayon Bölməsinin birgə təşkilatçılığı ilə rayon ümumtəhsil məktəblərinin 8, 10, 12, 14 və 16 yaşlı oğlan və qız şagirdləri arasında şahmat üzrə rayon birinciliyi keçirilib.
Ordubad Rayon Təhsil Şöbəsi və Uşaq Gənclər İdman Məktəbinin Tennis və Voleybol klubları arasında “2 fevral - Gənclər Günü” nə həsr olunmuş yarış keçirilib.
