Noyabrın 16-dan başlayaraq Naxçıvan Muxtar Respublikasında Məktəbəqədər Təhsil Müəssisələri ümumölkə informasiya sisteminə inteqrasiya olunur. Bu məqsədlə Naxçıvan Muxtar Respublikası Təhsil Nazirliyi tərəfindən məktəbəqədər təhsil müəssisələrinin maddi –texniki bazasının, pedaqoji və texniki heyətinin, uşaqların ümumi məlumatlarının sistemə inteqrasiyası həyata keçirilir və bu prosesi həyata keçirəcək əməkdaşlar üçün təlimlər təşkil olunur.Qeyd edək ki, bu günə kimi Naxçıvan Muxtar Respublikasındakı Məktəbəqədər Təhsil Müəssisələri ümumölkə informasiya sistemlərinə inteqrasiya olunmamışdı.
Naxçıvan Muxtar Respublikası Təhsil Nazirliyinin təşkilatçılığı ilə Naxçıvan diyarının görkəmli oğlu, dünya şöhrətli kimyaçı alim, akademik Yusif Məmmədəliyevə həsr olunmuş VIII–IX sinif şagirdləri arasında kimya və biologiya fənləri üzrə olimpiada keçiriləcək.
Naxçıvan Muxtar Respublikasının İnsan Hüquqları üzrə Müvəkkilin (Ombudsman) elan etdiyi “Uşaq hüquqları aylığı” çərçivəsində (2023-ci il 20 oktyabr-20 noyabr) Naxçıvan Muxtar Respublikası Təhsil Nazirliyi, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin birgə təşkilatçılığı ilə muxtar respublikanın şəhər və rayonlarındakı ümumi təhsil müəssisələrində “Əmək qanunvericiliyində uşaq hüquqları” mövzusunda 200-dən artıq şagird üçün maarifləndirici seminar keçirilib.
Noyabrın 13-dən Naxçıvan Muxtar Respublikası Təhsil Nazirliyinin təşkilatçılığı ilə ümumi təhsil müəssisələrində STEAM tədris edən müəllimlər üçün STEAM Təlim –Tədris Mərkəzində təlimlərə başlanılıb.
