Sədərək Rayon Təhsil Şöbəsi, Şahmat Federasiyasının rayon bölməsi, Yevlax Şəhər Uşaq Gənclər İdman Şahmat Məkətəbi, Muğla Büyük Şehir Belediyəsi və  Pakistan Akıl Sporları Satranc Mərkəzinin  birgə təşkilatçılığı ilə Azərbaycan Türkiyə və Pakistan  şahmatçı şagirdləri arasında “8 Online Uluslararası Külübler Lichess” şahmat yarışı keçiriləcəkdir.

Ordubad Rayon Təhsil Şöbəsinin və Gənclər və İdman İdarəsinin birgə təşkilatçılığı ilə yeniyetmələr arasında “Xəmsə” Milli İntellektual Oyununun Ordubad rayon birinciliyi keçirilib. Ordubad Rayon Mədəniyyət Sarayında keçirilən birincilikdə çıxış edınlər bildiriblər ki, intellektual oyunların keçirilməsində məqsəd Azərbaycanın, o cümlədən Naxçıvanın zəngin milli mədəniyyətinin və tarixinin təbliği, yeniyetmələrin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, eləcə də asudə vaxtlarının səmərəli təşkili istiqamətində yeni üsullar tətbiq etməkdən ibarətdir. Yarış hər bir raundda 5 mövzu üzrə suallar olmaqla, 5 raunddan ibarət olub. Yekunda qaliblər müəyyənləşib. Beləliklə,  Aza kənd tam orta məktəbin “İstedad” komandası I yerin, Ordubad şəhər 1 nömrəli tam orta məktəbin “Zəfər” komandası II yerin, Dəstə kənd tam orta məktəbin “Zirvə” komandası isə III yerin qalibi olub.

Kəngərli Rayon Təhsil Şöbəsinin təşkilatçılığı ilə Şahtaxtı kənd tam orta məktəbində ümumtəhsil məktəblərinin II, III və IV sinif şagirdləri arasında keçirilən “Hər bir uşaq istedadlıdır” adlı bilik yarışına yekun vurulub.

Bilik yarışının keçirilməsində məqsəd şagirdlərin təhsilə marağını artırmaq və yeni biliklər qazandırmaq, məktəblilərin intellektual səviyyəsini, bilik və məlumat bazasını möhkəmləndirmək, Azərbaycanın zəngin milli mədəniyyətinin və tarixinin təbliği, eləcə də asudə vaxtlarının səmərəli təşkili istiqamətində yeni üsullar tətbiq etmək, şagirdlər arasında sağlam rəqabət mühitini formalaşdırmaq, yaradıcı qabiliyyətlərinin reallaşdırılması üçün əlverişli şərait yaratmaq, habelə qoyulmuş problemlərin praktiki həllinə, yaradıcı yanaşma vərdişlərinin yaradılmasına dəstək verməkdən ibarət olub.

“Mütaliə aylığı” çərçivəsində Naxçıvan Şəhər Təhsil Şöbəsinin əhatə etdiyi ümumtəhsil məktəblərində silsilə tədbirlər davam edir.

Naxçıvan şəhər 5 nömrəli tam orta məktəbdə şagirdlərin formalaşması, mənəvi aləminin zənginləşməsi, dünyagörüşünün və bilik dairəsinin genişlənməsi, məntiqi təfəkkürünün artırılması məqsədilə IV-VI sinif şagirdləri arasında Nizami Gəncəvinin 880 illik yubileyinə həsr olunmuş bilik yarışı keçirilib. Yarışda fənlər üzrə suallar səsləndirlib, qalib komandalar diplomlarla mükafatlandırılıblar. Həmçinin məktəbdə VII-VIII sinif şagirdləri arasında Nizami Gəncəvinin “Sirlər xəzinəsi” poemasının müzakirəsi keçirilib, poemadan olan hissələr şagirdlər tərəfindən qiraət edilib.