Azərbaycan və onun ayrılmaz tərkib hissəsi olan Naxçıvanın zəngin hərb tarixi vardır. Ona görə də mən həmişə boş vaxtlarımda Naxçıvan şəhərində olan muzeylərimizə gedir, hərb tariximizlə bağlı məlumatlar əldə etməyə çalışıram. Çox maraqlandığım məsələlərdən biri doğma Naxçıvanımızın 1918-1920-ci illərdə erməni daşnaklarından necə müdafiə edilməsidir.
Qəzetlərdə də bu haqda olan məqalələri həvəslə oxuyuram. Televiziya verlişlərinə baxıram. Çünki bizim babalarımız qəhrəmanlıq və cəsurluqla doğma Naxçıvanı yağılardan – quldur erməni daşnaklarından qoruyublar.

Fevralın 24-də Sədərək rayon məktəbliləri arasında dram müsabiqəsinin rayon mərhələsi keçirilib.

Müsabiqənin yanvarın 15-də keçirilən məktəbdaxili seçim mərhələsində Sədərək kənd 1 nömrəli tam orta məktəb üzrə Kitabi-Dədə Qorqud dastanının “Qazan bəyin oğlu Uruz bəyin dustaq olduğu boy”, Sədərək kənd 2 nömrəli  və Heydərabad qəsəbə tam orta məktəbləri üzrə  Cəlil Məmmədquluzadənin “Saqqallı uşaq”, Qaraağac kənd tam orta məktəbi üzrə isə İlyas Əfəndiyevin “Hökmdar və Qız” səhnələri qalib olaraq seçilmiş və müsabiqənin II mərhələsində iştirak etmək hüququ qazanmışlar.

Naxçıvan şəhər 15 nömrəli tam orta məktəbin şagirdləri Naxçıvan Dövlət Rəsm Qalereyasında “26 fevral - Xocalı Soyqırımı Günü”nə həsr olunmuş rəsm sərgisində iştirak ediblər.

Sərgidə şagirdlərə Xocalı faciəsi haqqında ətraflı məlumat verilərək bildirilib ki, Xocalı faciəsi bizim qan yaddaşımızdır. 1992-ci il fevralın 25-dən 26-na keçən gecə ermənilər Rusiyanın 366-ci motoatıcı alayının iştirakı ilə Xocalı şəhərini işğal etmişlər. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. 76-sı uşaq olmaqla 487 nəfər yaralanıb 1275 nəfər əsir götürülüb. Əsir götürülənlərdən 150 nəfərin, o cümlədən 68 qadın və 26 uşağın taleyi bu günədək məlum deyil.

Daha sonra şagirdlər Xocalı soyqırımı əks olunmuş şəkillərə baxıblar.

23 fevral 2021-ci il tarixdə Babək Rayon Uşaq Gənclər Şahmat Məktəbində  rayonun ümumtəhsil məktəblərində şahmat dərslərini tədris edən müəllimlərin rayon birinciliyi keçirilmişdir. Yarışda 22 şahmatçı iştirak etmişdir. Yarışın keçirilməsində məqsəd müəllimlərin peşə səviyyəsinin artırılması, istedadlı müəllimlərin müəyyənləşdirilməsi və Naxçıvan Muxtar Respublikası birinciliyinə namizədlərin seçilməsi idi. Babək Rayon Təhsil Şöbəsi və Babək Rayon Uşaq Gənclər Şahmat Məktəbi tərəfindən təşkil olunana yarış İsveçrə üsulu ilə keçirilmişdir. Oyun zamanı hər iştirakçıya 30 dəqiqə vaxt verilmişdir.

Görüşün yekun nəticəsinə görə I yerə Zaman Zamanov, II yerə Şəfaət Rəhimli, III yerə isə Məhəmməd Səfərəliyev layiq görülmüşdür.

Qaliblər sonda təşkilatçılar tərəfindən diplom və hədiyyələrlə mükafatlandırılmışlar.