22 fevral 2021-ci il tarixdə Culfa Rayon Texniki Yaradıcılıq Mərkəzində “Xocalı Soyqırımı və Vətənpərvərlik” mövzusunda sərgi təşkil olunub. Sərginin keçirilməsində məqsəd Xocalı soyqırımını unutmamaq, nəsildən-nəslə ötürülərək yaddaşlarda yaşatmaqdan ibarət olub.

Fevralın 22-də muxtar respublika ümumtəhsil məktəbləri ilə Naxçıvan şəhərində yerləşən Cəlil Məmmədquluzadənin ev-muzeyi arasında “Görkəmli Azərbaycan ədibi” mövzusunda interaktiv dərs keçirilib.

Dərsdə qeyd olunub ki, dahi yazıçının Naxçıvan şəhərindəki ev-muzeyi ümummilli lider Heydər Əliyevin 1998-ci il 19 iyun tarixli Sərəncamına əsasən yaradılmışdır. Həmçinin Cəlil Məmmədqulu­zadənin vaxtilə müəllimlik etdiyi Nehrəmdə və Cəlilkənddə xatirə muzeyləri də istifadəyə verilmişdir. Bildirilib ki, çox­əsrlik tarixə malik olan Azərbaycan ədəbiyyatının inkişafında böyük Azərbaycan yazıçısı və dramaturqu Cəlil Məmmədquluzadənin mühüm xidmətləri olmuşdur. O, Azərbaycan ədəbiyyatının yeni mərhələyə yüksəlməsində müstəsna rol oynamış və bütöv bir ədəbi məktəb formalaşdırmışdır. Ana dilinin saflığı uğrunda daim mübarizə aparmış Cəlil Məmmədquluzadənin ərsəyə gətirdiyi qiymətli dram və nəsr əsərləri, parlaq publisistika dərin humanist məzmuna malik olub, özündə milli və ümumbəşəri dəyərlərin vəhdətini ehtiva edir.

Fevralın 20-də Naxçıvan Şəhər Təhsil Şöbəsinin kollektivi Cəmşid Naxçıvanskinin Ev Muzeyində ekskursiyada olub.

Muzeyin bələdçisi Cəmşid Naxçıvanskinin vətənimizin azadlığı, müstəqilliyi uğrunda mərdliyi, igidliyi haqqında geniş məlumat verərək bildirib ki, Azərbaycan hərb tarixinin görkəmli sərkərdələrindən Cəmşid Naxçıvanski 10 avqust 1895-ci ildə Naxçıvan şəhərində Cəfərqulu xan Naxçıvanskinin ailəsində dünyaya göz açmışdır. O, 43 illik ömrünün 31 ilini hərb sənətinə sərf etmişdir. Sıravi əsgərdən general rütbəsinə qədər yüksələn Cəmşid Naxçıvanski hərb işinin bütün sahələrini mükəmməl mənimsəmişdir.

Naxçıvan Muxtar Respublikası Təhsil Nazirliyinin tabeliyində fəaliyyət
göstərən ümumtəhsil məktəblərinin sertifikatlaşdırmanın müsahibə mərhələsində iştirak edəcək İbtidai sinif müəllimlərinin qrafiki Təhsil Nazirliyinin “teshil.nmr.az” rəsmi internet saytında yerləşdirilib.

Müsahibədə iştirak etmək üçün müəllimlərin şəxsiyyət vəsiqəsi ilə gəlmələri tələb olunur.

Müsahibə Təhsil Nazirliyinin İmtahan Mərkəzində keçiriləcəkdir.

Ünvan: “Təhsil Kursları”nın binası, Naxçıvan şəhər 3 nömrəli tam orta məktəblə üz-üzə, Atatürk 31.

Sertifikatlaşdırmanın müsahibə mərhələsində iştirak edəcək ibtidai sinif müəllimlərinin Q R A F İ K İ