Culfa Rayon Uşaq Gənclər Şahmat Məktəbində məktəblilər arasında şahmat yarışı keçirilmişdir. Yarış Naxçıvan Muxtar Respublikası Şahmat Federasiyasının Culfa Rayon Bölməsi, Culfa Rayon Təhsil Şöbəsi, Yeni Azərbaycan Partiyası Culfa Rayon Təşkilatı Gənclər Birliyi və Gənclər və İdman İdarəsinin birgə təşkilatçılığı ilə keçirilmişdir.

Yarışın keçirilməsində əsas məqsəd şahmat oyununu daha da kütləviləşdirmək və şagirdlər arasında idman və dostluq əlaqələrini inkişaf etdirməkdən ibarət olmuşdur.

Məktəbin direktoru Vahid Həsənov yarışın qaydaları haqqında məlumat verdikdən sonra yarışa start verilmişdir.

Şərur Rayon Təhsil Şöbəsi, Gənclər və İdman İdarəsi və Uşaq Gənclər İdman Məktəbinin birgə təşkilatçılığı Gənclər və İdman İdarəsinin idman zalında stolüstü tennis üzrə  qızlar arasında yarış keçirilmişdir. Yarışın keçirilməsində məqsəd idmanın stolüstü tennis növünün inkişaf etdirilməsi, şagirdlərin idmana cəlb edilməsi və idmançıların yarış bacarıqlarının yüksəldilməsindən ibarət olmuşdur.

Yarış sonunda qaliblər müəyyən edilmiş, təşkilatçılar tərəfindən diplom və hədiyyələrlə mükafatlandırılmışlar.

Culfa Rayon Təhsil Şöbəsi, İcra Hakimiyyəti, Əhalinin Sosial Müdafiəsi Mərkəzi və Uşaq-Gənclər Yaradıcılıq Mərkəzinin təşkilatçılığı ilə Bənəniyar kənd tam orta məktəbində fiziki imkanları məhdud uşaqlara dövlət qayğısı və onların asudə vaxtlarının səmərəli təşkilinə dair tədbir keçirilmişdir.

Tədbirdə Culfa Rayon Təhsil Şöbəsinin müdiri Mehdixan Əliyev, İcra Hakimiyyətinin başçısının müavini Sara Hüseynova, Əhalinin Sosial Müdafiəsi Mərkəzinin müdiri Mustafa Cəlilov çıxış edərək muxtar respublikada fiziki imkanı məhdud uşaqlara gösdərilən dövlət qayğısından danışmışdır. Bildirilmişdir ki, fiziki imkanı məhdud uşaqların məktəblərə, eləcə də məktəbdənkənar təhsil müəssisələrinə cəlbi onların aktiv fəaliyyətinə, keçirilən tədbirlərdə fəal iştiraklarına imkan yaratmışdır.

Babək Rayon Təhsil Şöbəsi, Polis Şöbəsi və Gənclər və  İdman İdarəsinin birgə rəhbərliyi atletikanın qaçış növü üzrə yarış keçirilmişdir.

Yarışın əvvəlində şöbələr və idarə nümayəndəlikləri çıxış edərək respublikamızın yarandığı gündən bu günə kimi inkişaf dövrü haqqında məlumat vermiş, bu gün isə bütün sahələrdə daha sürətlə inkişafın getdiyini  qeyd etmişlər.

Yarışa Babək şəhər 1, 2 nömrəli, Nehrəm 1 nömrəli və Hacıvar tam orta məktəbinin şagirdləri cəlb olunmuşlar.

Yarışın sonunda birinci, ikinci, üçüncü yerlər müəyyənləşdirilmiş, yer tutan şagirdlər diplom və müxtəlif hədiyyələrlə mükafatlandırılmışlar.