Yanvarın 26-da Naxçıvan Muxtar Respublikası Şahmat Federasiyasının Sədərək Rayon bölməsi və  Sədərək Rayon Təhsil Şöbəsinin təşkilatçılığı ilə ümumtəhsil məktəbləri arasında şagirdlərin şahmat proqramlarından istifadəsini daha da artırmaq məqsədilə lichess.org plartforması vasitəsilə onlayn yoldaşlıq görüşü keçirilib.

Görüşdə ümumtəhsil məktəblərinin 20-yə yaxın şahmatçı şagirdləri iştirak edib. Maraqlı keçən görüşün yekun nəticələrinə əsasən I yerə Gökhan Hüseynov, II yerə Aqşin Ağakişiyev, III yerə isə Nurşən İbrahimzadə layiq görülmüşdür.

26 yanvar 2021-ci il tarixdə Şahbuz Rayon Təhsil Şöbəsinin təşkilatçılığı ilə Şahbuz şəhər 1 nömrəli tam orta məktəbdə “Zərərli vərdişlərə  yox   deyək”  mövzusunda  maarifləndirici  tədbir  keçirilib. Tədbirin keçirilməsində məqsəd yetkinlik yaşına çatmayanların milli-mənəvi dəyərlər, vətənvərvər ruhda tərbiyə edilməsini gücləndirmək, onları oxunması zəruri olan kitabların mütaliəsinə həvəsləndirməkdən ibarət olub.

Babək Rayon Təhsil Şöbəsi, Gənclər və İdman İdarəsinin birgə təşkilatçılığı ilə ümumtəhsil məktəblərində yaradılmış voleybol idman klubları arasında yoldaşlıq görüşü keçirilmişdir.

Görüş Babək şəhər 1 nömrəli tam orta məktəbin idman zalında həmin məktəblə Babək şəhər 2 nömrəli tam orta məktəbin şagirdləri arasında olmuşdur.

Komandalar təşkilatçılar tərəfindən fəxri fərmanlarla təltif olunmuşlar.

Naxçıvan  Muxtar  Respublikası  Təhsil  və  Mədəniyyət  nazirliklərinin  birgə təşkilatçılığı ilə “Məktəblilərin dram müsabiqəsi”nin keçirilməsi haqqında əsasnaməyə  uyğun olaraq məktəblilər arasında dram müsabiqələri keçirilir. Bu məqsədlə “Oxunması zəruri olan kitablar”ın siyahısında olan əsərlərin əvvəlcədən müəyyənləşdirilmiş mövzuları üzrə Naxçıvan şəhər ümumtəhsil məktəblərinin şagirdləri tərəfindən hazırlanmış səhnələrin məktəbdaxili seçim mərhələsi keçirilmişdir. Baxış zamanı müəyyən olunmuş qaliblər müsabiqənin fevral ayında keçiriləcək şəhər mərhələsində iştirak etmələri üçün vəsiqə qazanmışdır.