Yanvarın 15-də  Sədərək  Rayon Təhsil Şöbəsinin təşkilatçılığı ilə məktəblilərin dram müsabiqəsinin məktəbdaxili mərhələsinə start verilib.

Məktəblilərin dram müsabiqəsinin keçirilməsində əsas Azərbaycan və dünya xalqlarının, şifahi xalq ədəbiyyatının, klassik və müasir ədəbiyyatın məktəblilər arasında təbliği, məktəblilərin maraq və bacarıqlarının, ümumtəhsil məktəblərinin müvafiq sahələr üzrə sinifdənxaric və məktəbdənkənar fəaliyyətlərinin qiymətləndirilməsindən ibarətdir.

14 yanvar 2021-ci il tarixdə Naxçıvan şəhər 4 nömrəli tam orta məktəbin şagirdləri Cəmşid Naxçıvanski Muzeyində “Təki Vətən yaşasın-Milli Qəhrəmanlığa yüksələn yol” mövzusunda keçirilən açıq dərsdə iştirak etmişlər.

Muzeyin bələdçisi Gülnaz Hüseynova 44 günlük müharibədə qazandığımız böyük qələbə münasibətilə şagirdləri təbrik edərək bildirmişdir ki, bu elə bir qələbədir ki, illər, əsrlər keçsə də hər zaman bizə böyük qürur, fəxarət hissi yaşadacaqdır. Zaman-zaman qəhrəman sərkərdələrimiz, xalqımızın cəsur igid oğulları bu sevinc, qürur hissini bizə yaşadıblar. Minilliklərdən üzübəri uğrunda canlarından, qanlarından keçən igidlərimizin, ərənlərin bizə qoyub getdiyi əmanətidir Vətənimiz. Koroğluların, Babəklərin, Cavanşirlərin, Qaçaq Nəbilərin yadigarıdır Vətənimiz. Bu qəhrəmanlar torpaqlarımız uğrunda canlarından qanlarından keçdilər. Bizdə bu ərmağanı göz bəbəyimiz kimi qoruyub saxlamalı, gələcək nəsillərə çatdırmalıyıq.

Naxçıvan Muxtar Respublikası Şahmat Federasiyasının Sədərək Rayon Bölməsi, Sədərək Rayon Təhsil Şöbəsi, Sədərək Rayon Uşaq Gənclər Şahmat Məktəbi, Yevlax Şəhər Uşaq Gənclər İdman Şahmat Məktəbi və İzmir Deha Satranc Mərkəzinin birgə təşkilatçılığı ilə “Şəhidlər ölməz vətən bölünməz” devizi altında 12 komanda arasında yoldaşlıq görüşü keçiriləcəkdir.

16 yanvar 2021-ci il tarixdə saat 18:00-da Lichess.org plartforması vasitəsilə keçiriləcək görüşdə 16 yaş qrupundan, 144 müxtəlif dərəcəli şahmatçı şagirdin iştirakı nəzərdə tutulub.
Keçirləcək görüşün yekun nəticələri Naxçıvan Şahmat Federasiyasının və Naxçıvan Muxtar Respublikası Təhsil Nazirliyinin rəsmi internet saytlarında elan ediləcəkdir.

Şəhriyar kəndində əhalinin rahatlığının təmin olunması istiqamətində görülən kompleks tədbirlər çərçivəsində yeni xidmət mərkəzi də tikilib.

Yanvarın 14-də Naxçıvan Muxtar Respublikası Ali Məclisinin Sədri Vasif Talıbov mərkəzin açılışını edib.

Bildirilib ki, mərkəzdə sakinlərin gündəlik tələbatını ödəyəcək zəruri xidmət sahələri fəaliyyət göstərir. Burada bərbərxana, qadın gözəllik salonu, dərzi, ət satışı yeri, ərzaq və təsərrüfat malları mağazaları, eləcə də 2 anbar vardır. Mağazalarda keyfiyyətli yerli ərzaq məhsullarının, gündəlik tələbat mallarının, xüsusilə ailə təsərrüfatı məhsullarının satışı təşkil olunub. Mərkəzdə 6 nəfər işlə təmin olunub.

Xidmət mərkəzi ilə tanışlıqdan sonra kənd sakinləri ilə görüş olub.