Naxçıvan Muxtar Respublikası Ali Məclisi Sədrinin 14 fevral 2020-ci il tarixli Sərəncamı ilə təsdiq edilmiş “ 2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nın icrası ilə əlaqədar olaraq Culfa rayon ümumtəhsil məktəblərində yaradılmış idman klublarında işlər davam etdirilir. Təhsil müəssisələrində oğlanlarla yanaşı qızların da idmana cəlb edilməsi, qızlardan ibarət komandaların yaradılması diqqətdə saxlanılır. Qızlardan ibarət yaradılmış idman klubları arasında mütəmadi olaraq yoldaşlıq görüşləri, birinciliklər təşkil edilir.

Culfa rayon Əbrəqunus və Bənəniyar kənd tam orta məktəblərinin voleybol üzrə qızlardan ibarət komandaları arasında yoldaşlıq görüşü keçirilib.

Culfa Rayon Uşaq Gənclər Şahmat Məktəbində “2 fevral - Gənclər Günü” ilə əlaqədar tempo turnir keçirilmişdir. Yarış Şahmat Federasiyasının Culfa Rayon Bölməsi, Culfa Rayon Təhsil Şöbəsi, Yeni Azərbaycan Partiyası Culfa Rayon Təşkilatı Gənclər Birliyinin və Gənclər və İdman İdarəsinin birgə təşkilatçılığı ilə keçirilmişdir.

Yarışda çıxış edən təşkilatçıların əməkdaşları bildirmişlər ki, 2 fevralın Gənclər Günü kimi qeyd olunması ulu öndər Heydər Əliyevin adı ilə bağlıdır. Məhz Ulu öndərin hakimiyyətə ikinci dəfə qayıdışından sonra Azərbaycanda dövlət gənclər siyasətinin əsası qoyuldu. Bu gün də ümummilli lider Heydər Əliyev siyasətinin davamçısı prezident İlham Əliyev Ulu Öndərin siyasətini uğurla davam etdirir. Vurğulanmışdır ki, ölkəmizin, eləcə də muxtar respublikamızın hərtərəfli inkişafında gənclərimizin çox böyük rolu vardır. Gənclər müxtəlif sahələrdə uğurla fəaliyyət göstərir, ölkəmizin ümumi inkişafına böyük töhfələr verirlər.

Naxçıvan şəhər 4 nömrəli tam orta məktəbdə “2 fevral-Gənclər Günü” münasibətilə şəhər məktəbliləri arasında “Vətəni tanı” intellektual oyunu keçirilmişdir. Oyunun keçirilməsində məqsəd məktəblilərin intellektual səviyyəsini, dünyagörüşünü, zehni inkişafını stimullaşdırmaq, asudə vaxtlarının səmərəli keçirilməsini təşkil etməkdən ibarət olub.

Naxçıvan Şəhər Təhsil Şöbəsi və Naxçıvan Şəhər Gənclər və İdman İdarəsinin birgə təşkilatçılığı ilə keçirilən oyunda şəhər ümumtəhsil məktəblərindən 17 şagird iştirak etmişdir.

1 Fevral 2021-ci il tarixdə Şərur Rayon Şahmat məktəbində “2 fevral - Gənclər Günü”nə həsr olunmuş rayon ümumtəhsil məktəblərinin gənc müəllimləri arasında şahmat üzrə rayon birinciliyi təşkil olunmuşdur. Yarış Şahmat Federasiyasının Şərur Rayon Bölməsi, Şərur rayon Təhsil Şöbəsi, Gənclər və İdman idarəsi və Şahmat Məktəbinin birgə təşklatçılığı ilə həyata keçirilmişdir.

Maraqlı keçən birinciliyin yekun nəticələrinə əsasən ümümi yarışda I yerin qalibi Turan Qasımov, II yerin qalibi Vüral Muxtarlı, III yerin qalibi isə Turan Novruzov olmuşdur.

Qaliblər təşkilatçılar tərəfindən diplom və hədiyələrlə mükafatlandırılmışlar.