Türkiyə Respublikası Xaricdəki Türklər və Qohum İcmaları İdarəsinin Beynəlxalq Dairə Başkanlığı koordinatoru Engin Vural və Mədəniyyət, Sosial İşlər Dairə Başkanlığı koordinatoru Sevilay Yıldırım Naxçıvan Muxtar Respublikasına səfəri çərçivəsində Naxçıvan Muxtar Respublikası Təhsil Nazirliyində olublar.

Görüşdə Təhsil naziri Rəhman Məmmədov qonaqları salamlayaraq muxtar respublikada təhsilin inkişafı istiqamətində görülən işlər, yaradılan müasir təhsil şəraiti haqqında məlumat verib. Bildirib ki, təhsil müəssisələrinin infrastrukturunun müasirləşdirilməsi, müasir kompüter və elektron lövhələrlə təchizatı, laboratoriya və fənn kabinələrinin zəruri avadanlıqlarla təmin olunması, kitabxana fondlarının zənginləşdirilməsi tədrisin yüksək səviyyədə təşkilinə geniş imkanlar açmışdır.

Bu gün Kəngərli Rayon Təhsil Şöbəsinin təşkilatçılığı ilə Qıvraq qəsəbə tam orta məktəbinin şagirdləri üçün Şahtaxtinskilərin Ev  Muzeyində açıq dərs keçirilib.

Muzeyin bələdçisi Yaqut Əsədova şagirdlərin diqqətinə çatdırıb ki, Şahtaxtinskilərin Ev Muzeyi Naxçıvan Muxtar Respublikası Ali Məclisi Sədrinin 2010-cu il 9 fevral tarixli Sərəncamına əsasən Kəngərli rayonunun Şahtaxtı kəndində yaradılıb. Burada iki ekspozisiya zalı və otağı, ekspozisiya zallarında isə 150-dən çox eksponat nümayiş etdirildiyini qeyd edib.

Bu gün Kəngərli Rayon Təhsil Şöbəsinin və Gənclər və İdman İdarəsinin birgə təşkilatçılığı ilə  “2 Fevral - Gənclər Günü” münasibətilə stolüstü tennis idman klubunun üzvləri arasında yarış keçirilib

Yarışın keçirilməsində məqsəd məktəblilər arasında tennis idman növünün kütləviliyinə nail olmaq, onların zərərli vərdişlərdən uzaq tutulması və fəal idman həyatına cəlb edilməsi, məktəblərdə sağlam və fəal həyat tərzinin təşviqi, onların idman sahəsində sinifdənxaric və məktəbdənkənar fəaliyyətlərinin qiymətləndirilməsindən ibarətdir.

Fevralın 2-də Culfa Rayon Uşaq-Gənclər Şahmat məktəbində rayon ümumtəhsil məktəblərinin gənc müəllimləri arasında şahmat yarışı keçirilmişdir. Yarış Naxçıvan Muxtar Respublikası Şahmat Federasiyasının Culfa Rayon Bölməsi və Culfa Rayon Təhsil Şöbəsinin təşkilatçılığı ilə təşkil olunmuşdur.